გიორგი წითლანაძე

დაბადების ადგილი: სოფელი სარო, ასპინძის რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი სამოქალაქო და სამრეწველო მშენებლობის სპეციალობით 1958 წელს.

1958-1960წწ. რუსეთში ქ. ჩელიაბინსკის სამშენებლო ტრესტ "იუჟურალტრანსმშენში" სამუშაოთა მწარმოებლი; 1960 წელს  ასპინძის მშრომელთა დეპუტატების რაისაბჭოს აღმასკომის სარემონტო-სამშენებლო სამმართველოში სამუშაოთა მწარმოებლი, შემდგომ  ასპინძის რაიონის ადგილობრივი მეურნეობის დარგთაშორის კომბინატში მთავარი ინჟინრი; 1961 წელს დაინიშნა ამავე კომბინატის გენერალურ დირექტორად; 1965-1973წწ. ასპინძის სამშენებლო-სარემონტო სამმართველოს უფროსი; 1973-1980წწ. ასპინძის მშრომელთა დეპუტატების რაისაბჭოს აღმასრულებელი კომიტეტის თავმჯდომარე; 1983-1990წწ. საქართველოს მშენებლობის სამინისტროს ტრესტ "საქმშენინდუსტრიის" მმართველის მოადგილე; 1990 წელს არჩეულ იქნა საქართველოს კპ ასპინძის რაიონული კომიტეტის პირველ მდივნი; 1990-1991წწ.  საქართველოს პირველი მოწვევის უზენაესი საბჭოს წევრი, საარჩევნო ბლოკი: "საქართველოს კომუნისტური პარტია", საარჩევნო ფორმა: მაჟორიტარული, მაჟორიტარი, ასპინძის №99 საარჩევნო ოლქიდან; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 1993-1994წწ. საქართველოს მე-3 მოწვევის  პარლამენტის წევრი, საარჩევნო ფორმა: მაჟორიტარული, მაჟორიტარი ასპინძის №5.39 ერთმანდატიანი სარჩევნო ოლქიდან; 1994-1998წწ. იყო ასპინძის რაიონის გამგებელი; 1999-2001წწ. სამცხე-ჯავახეთის რეგიონული საგადასახადო ოპერატიული სამმართველოს უფროსის მოადგილე; 2001-2005წწ. სამცხე-ჯავახეთის ტურიზმისა და კურორტების რეგიონული სამმართველოს უფროსი.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.684-685; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.388; საქართველოს პარლამენტის ვებგვერდი: parliament.ge

• საქართველოს მე-3 მოწვევის პარლამენტი, წევრი (1992-1994)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ენერგეტიკის, მშენებლობის, ტრანსპორტისა და კავშირგამბულობის კომისია, წევრი (1990-1991)

• მედალი "შრომითი მამაცობისთვის"