ოთარ წიწილაშვილი

დაბადების ადგილი: ქ. ჭიათურა.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1973 წელს; მოსკოვის სამშენებლო კონსტრუქციათა ცენტრალური სამეცნიერო-კვლევითი ინსტიტუტის ასპირანტურა 1984 წელს.

1973-2008წწ. იყო თბილისის ზონალური სამეცნიერო კვლევითი ტიპური და ექსპერიმენტული პროექტირების ინსტიტუტის ("თბილზნიიეპი") ინჟინერ-კონსტრუქტორი, ჯგუფის უფროსი, პროექტის მთავარი ინჟინერი, სექტორის გამგე, ტექნიკური განყოფილების უფროსი, ექსპერტი-კონსტრუქტორი, სამეცნიერო-ტექნიკური საბჭოს წევრი, საქართველოს სტანდარტიზაციის ტექნიკური კომიტეტის "პროდუქცია მშენებლობისათვის" უფროსი მეცნიერ-თანამშრომელი, კომიტეტის თავმჯდომარე (კომიტეტი არსებობდა "თბილზნიიეპთან"), ინსტიტუტის სამეცნიერო ნაწილის ხელმძღვანელი და დირექტორის მოადგილე; სამეცნიერო საქმიანობის პარალელურად შეთავსებით თანამშრომლობდა სხვადასხვა სახელმწიფო და კერძო ორგანიზაციებთან; 1994-1996წწ. იყო საქართველოს საგარეო საქმეთა სამინისტროს დიპლომატიურ კორპუსთან მუშაობის სამმართველოს მშენებლობის განყოფილების უფროსის მოადგილე; 2000-2002წწ. იყო შპს "ომეგა-2"-ის კონსტრუქტორი, მშენებლობის ტექნიკური ზედამხედველი; 2002-2004წწ. შპს "ინტერ-სერვისის" მთავარი კონსტრუქტორი, მშენებლობის უფროსი; 2004-2006წწ. შპს "ბურჯის"და 2007-2010წწ. შპს "ბიზნეს კომფორტის" მთავარი კონსტრუქტორი; 2010-2014წწ. შპს "კარდუს" კონსტრუქტორი; 2015 წლიდან არის ა(ა) იპ "თბილისის მუნიციპალური ლაბორატორიის" მთავარი სპეციალისტი; "საპროექტო დოკუმენტაციის ანალიზის და ავარიული შენობების ტექნიკური მდგომარეობის კვლევის" განყოფილების უფროსი; 1991 წელს სსრკ უმაღლესმა საატესტაციო კომისიამ მიანიჭა უფროსი მეცნიერ-მუშაკის წოდება სპეციალობაში "სამშენებლო კონსტრუქციები, შენობები და ნაგებობები"; 2004 წლიდან აკადემიური დოქტორია; მის მეცნიერული კვლევის სფეროს მიეკუთვნება: სეისმომედეგ შენობა-ნაგებობათა მზიდი კონსტრუქციული სისტემები და მათი სეისმურ ზემოქმედებებზე გაანგარიშების საკითხები მნიშვნელოვან არაწრფივ დეფორმაციათა გათვალისწინებით; გამოქვეყნებული აქვს 30-ზე მეტი სამეცნიერო ნაშრომი და რამდენიმე მონოგრაფია.

სადისერტაციო თემა - "მრავალსართულიანი კარკასული შენობების სეისმომედეგობის კვლევა დიაფრაგმების დაზიანებათა გათვალისწინებით". 

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.686-687

• საქართველოს სამოქალაქო ინჟინერთა საზოგადოება, წევრი, დამფუძნებელი (2013-)
• სეისმომედეგი მშენებლობისა და საინჟინრო სეისმოლოგიის საქართველოს ეროვნული კომიტეტი (ასოციაცია, წევრი, დამფუძნებელი (2003-)