კახა ნურალიძე

დაბადების ადგილი: ქ. ქუთაისი.

დაამთავრა თბილისის სახელმწიფო სამედიცინო უნივერსიტეტის სამკურნალო ფაკულტეტი 1996 წელს.

1993-1996 წწ. იყო რუსეთის არმიის 367-ე სამხედრო-საოლქო ჰოსპიტალის მედძმა; 1996-2001 წწ. ამავე ჰოსპიტალის წამყვანი ექიმი-ანესთეზიოლოგი; 2001-2002 წწ. ბერლინის ჰუმბოლტის სახელობის უნივერსიტეტის კლინიკის (შარიტე) ექიმი-ანესთეზიოლოგი; 2003-2004 წწ. აკადემიკოს ო. ღუდუშაურის სახელობის სამედიცინო ცენტრის თანამშრომელი; 2004 წელს ქურთაში (სამაჩაბლოში) ხელმძღვანელობდა სამედიცინო სისტემის რეაბილიტაციას; 2005-2010 წწ. იყო აკადემიკოს ზ. ცხაკაიას სახელობის დასავლეთ საქართველოს ეროვნული სამედიცინო ცენტრის გენერალური დირექტორი. "ერთიანი ნაციონალური მოძრაობის" ჩუღურეთის რაიონის კოორდინატორი (2003); რეზერვისტი მუხროვანის 419-ე ბატალიონის ბაზაზე, უმცროსი ლეიტენანტი, ასმეთაური (2007); ჰუმანიტარული სამედიცინო აქციის ხელმძღვანელი და მონაწილე სამაჩაბლოსა და ახალგორის რაიონებში (2008); . ა. წერეთლის სახელმწიფო უნივერსიტეტის მედიცინის ფაკულტეტის ანესთეზიოლოგია-რეანიმატოლოგიის მიმართულების სრული პროფესორი, ამავე უნივერსიტეტის აკადემიური საბჭოს წევრი (2010). არის 12 სამეცნიერო სტატიის ავტორი ჟურნალ "Georgian Medical News" და "საქართველოს სამედიცინო მოამბეში". ექიმი ანესთეზიოლოგ-რეანიმატოლოგი.

სადისერტაციო თემა - "ანესთეზიის მეთოდების ოპტიმიზაცია კარდიოლოგიური პათოლოგიების მქონე პაციენტებში".

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.372; ქართული სამედიცინო პორტალი: vidal.ge; 8skolakutaisi.blogspot.com

• იმერეთის რეგიონის "ერთიანი ნაციონალური მოძრაობის" პოლიტსაბჭო, წევრი (2006-)
• იმერეთის ჭადრაკის ფედერაცია, პრეზიდენტი (2009-)
• ქ. ქუთაისის საკრებულო, წევრი, ჯანდაცვისა და სოც. საკითხთა კომისიის თავმჯდომარე (2006-)

• ჯანმრთელობის სოციალური დაზღვევის მოდელი საქართველოში : ძირითადი მიმართულებები და რეკომენდაციები (ავტორი). - თბილისი, აკაკი წერეთლის სახელმწ. უნ-ტის გამ-ბა, 2013. - 27გვ.. - ISBN: 978-9941-448-73-7