თამაზ ჭირაქაძე

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტის სამთო ფაკულტეტი 1957 წელს.

მუშაობა დაიწყო საქართველოს მშენებლობის სამინისტროს სამშენებლო ტრესტ "საქშახტმშენის" სისტემაში; 1968-1976წწ. იყო ტყიბულის სამშენებლო სამმართველოს სამუშაოთა მწარმოებელი; უფროსი სამუშაოთა მწარმოებელი; მუშაობდა ტრესტის ტექნიკური განყოფილების უფროსად, მთავარი ინჟინრის მოადგილედ; 1976-1994წწ. ტრესტის მმართველის მოადგილედ; 1994-1996წწ. ტრესტის სააქციო საზოგადოებად გარდაქმნის შემდეგ მუშაობდა გენერალური დირექტორის მოადგილედ; 1996 წლიდან სს "საქშახტმშენის" გენერალური დირექტორი; მისი მონაწილეობითა და კურატორობით აშენდა და ექსპლუატაციაში შევიდა ტყიბულის, ტყვარჩელის, ჭიათურის მაღაროები, კვაისის გამამდიდრებელი ფაბრიკა, ურავის დარიშხნის საამქროები და სხვა მნიშვნელოვანი სამრეწველო ობიექტები; დაჯილდოებულია სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.701-702; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.374

• 1999 - ღირსების ორდენი
  საქართველოში სამრეწველო და სამოქალაქო დანიშნულების ობიექტების მშენებლობაში შეტანილი დიდი წვლილისათვის, მაღალი პროფესიონალიზმისა და ნაყოფიერი მუშაობისათვის