გიზო ჭელიძე

დაბადების ადგილი: სოფელი ლიხაური, ოზურგეთის რაიონი.

დაამთავრა შოთა რუსთაველის სახელობის ბათუმის პედაგოგიური ინსტიტუტის ქართული ენისა და ლიტერატურის ფაკულტეტი 1955 წელს.

1956-1958 წწ. მუშაობდა ბათუმის რაიონულ გაზეთ "კოლმეურნის გზის" რედაქციაში ლიტერატურულ თანამშრომლად, 1958-1965 წწ. მახარაძის (ამჟამინდელი ოზურგეთის) რაიონული გაზეთის "ლენინის დროშის" (ამჟამინდელი "ალიონის") რედაქციაში კორექტორად, შემდეგ განყოფილების გამგედ. 1964-1967 წწ. იყო საქართველოს მეცნიერებათა აკადემიის შოთა რუსთაველის სახელობის ქართული ლიტერატურის ინსტიტუტის ფოლკლორის განყოფილების ასპირანტი. გიზო ჭელიძის პირველი სამეცნიერო ნაშრომი - "ილია ჭავჭავაძის დაუმთავრებელი მოთხრობები", გამოქვეყნდა 1954 წელს. ფილოლოგიის მეცნიერებათა კანდიდატი (1969), ფილოლოგიის მეცნიერებათა დოქტორი (1994). საზოგადო მოღვაწე.

საკანდიდატო დისერტაციის თემა -  "მიხეილ ჯავახიშვილის შემოქმედების ფოლკლორული წყაროები", დაიცვა 1969 წელს; სადოქტორო დისერტაციის თემა -  "ქართული ხალხური დრამა", დაიცვა 1994 წელს.

• უკეთუ დაგივიწყო, ისრაელო! (ავტორი). - თბილისი, ინოვაცია, 2006. - 92გვ.
• მიხეილ ჯავახიშვილი და ფოლკლორი (ავტორი). - ქუთაისი, საბჭ. საქართველო, ქუთაისის ფილიალი, 1984. - 109გვ.
• მზე დედაა ჩემი... : ქართველი ქალი ხალხურ შემოქმედებაში (ავტორი). - თბილისი, ხელოვნება, 1976. - 62გვ.
• წყაროსთვალი : ქართული წიგნის ისტორია (ავტორი). - თბილისი, ხელოვნება, 1974. - 45გვ.