ჯემალ ციხისელი

დაბადების ადგილი: სოფელი ბარი, ონის რაიონი.

დაამთავრა საქართველოს პოლიტექნიკური ინსტიტუტის ქიმიური ტექნოლოგიის ფაკულტეტი ინჟინერ ქიმიკოს-ტექნოლოგის სპეციალობით 1984 წელს. 

1962-1963 წლებში მუშაობდა სოხუმის საქსოვი ფაბრიკის ელექტროტექნიკოსად, 1963-1964 წლებში - რუსთავის აზოტოვანი სასუქების ქარხნის ელექტროტექნიკოსად. 1964-1967 წლებში იგი იმყოფებოდა სავალდებულო სამხედრო სამსახურში, 1968-1984 წლებში მუშაობდა რუსთავის ქიმიურ კომბინატში სხვადასხვა თანამდებობაზე - ელექტრიკოსად, მეაპარატედ, ოპერატორად, ცვლის უფროსად, ტექნოლოგად და საამქროს უფროსად, 1985-1989 წლებში - რესპუბლიკურ გაერთიანება "მეოფერლითში", 1989-1997 წლებში - გერმანიისა და საქართველოს ერთობლივ საწარმოში "ალუ-საქართველო". 1998-2006 წლებში იგი მოღვაწეობდა კერძო ბიზნესში. 2006 წლიდან პენსიონერია.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.64

• საქართველოს სახელმწიფო პრემია, მეცნიერებისა და ტექნიკის დარგში
  1988-1993 წლებში შესრულებული ნაშრომისათვის -"ალუნიმინთერმული მეთოდით საწარმოო ნარჩენებისგან ფეროსილიკოალუმინის კომპლექსური შენადნობის მიღებისა და ფოლადის განჟანგვის პროცესში მისი გამოყენების ტექნოლოგიის დანერგვა"
• მედალი "შრომითი მამაცობისთვის"
• შრომის წითელი დროშის ორდენი