კონსტანტინე ჭყონია

დაბადების ადგილი: ქ. ქუთაისი.

დაამთავრა საქართველოს ინდუსტრიული ინსტიტუტის სამშენებლო ფაკულტეტი 1947 წელს.

1947-1964წწ. მუშაობდა საპროექტო ინსტიტუტ "საქკვებმრეწვსახპროექტში" მთავარ კონსტრუქტორად; 1964-1967წწ. საპროექტო ინსტიტუტ "საქქალაქმშენსახპროექტში" განყოფილების უფროსად; 1969-1970წწ. საქართველოს არქიტექტურისა და მშენებლობის საქმეთა სახელმწიფო კომიტეტში განყოფილების უფროსად - კოლეგიის წევრად; 1970-1974წწ. თბილისის ზონალურ ს/კ, ტიპური და ექსპერიმენტული პროექტირების საპროექტო ინსტიტუტ "თბილზნიიეპში" მთავარ ინჟინრად; 1974-1983წწ. საქართველოს სასოფლო მშენებლობის სამინისტროს ტექნიკური სამმართველოს უფროსად - კოლეგიის წევრად; 1983 წლიდან იყო საქართველოს სახელმწიფო აგროსამრეწველო კომიტეტის "საქაგრომრეწვის" საპროექტო ინსტიტუტის მთავარი სპეციალისტი; მისი მონაწილეობით დაპროექტებული ობიექტებია: თბილისის კონიაკის ქარხანა, თბილისის მაცივარი, ქ. კიროვაბადის ლუდის ქარხანა და სხვა მნიშვნელოვანი ობიექტები; დაჯილდოებულია საბრძოლო და შრომითი დამსახურებისთვის სახელმწიფო ორდენებითა და მედლებით.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.707-708