ირინა ჭიჭინაძე

დაამთავრა შოთა რუსთაველის სახელობის თეატრალური ინსტიტუტის სამსახიობო ფაკულტეტი(ა. მიქელაძის  სახელოსნო) 1971 წელს. 

1969-1972წწ. მუშაობდა მარჯანიშვილის სახელობის თეატრში, 1974-1984წწ. კი "მეტეხის თეატრში". შეასრულა თამარ შერვაშიძის როლი კონსტანტინე გამსახურდიას რომან "მთვარის მოტაცების" ეკრანიზაციაში (თ. მელივა, 1973). გადაღებულია ფილმებში: "საფეხური" (ა. რეხვიაშვილი, 1986, დედინაცვალი), "სტუმრები", "სახლი" (დ. ცინცაძე, 1991), "ციხე-სიმაგრე" (დ. ჯანელიძე, 1993), მიხეილ მრევლიშვილის მ/მ ფილმებში "საწყალი კაცის ამბავი" (1989), "მაწანწალა"(1992).

წყარო: ქართული კინო, 1896-2011.- თბ., 2011.- გვ. 215; ეროვნული ფილმოგრაფიის პორტალი: geocinema.ge