ოთარ ჭყონია

დაბადების ადგილი: ქ. ქობულეთი.

დაამთავრა თბილისის საავიაციო ტექნიკუმი 1946 წელს; საქართველოს პოლიტექნიკური ინსტიტუტის სამშენებლო ფაკულტეტი.

1946 წელს დაიწყო შრომითი საქმიანობა რუსთავის მეტალურგიულ ქარხანაში ოსტატად; იყო საამქროს უფროსი, პროფკავშირების საქარხნო კომიტეტის თავმჯდომარე, ქარხნის თავმჯდომარე, ქარხნის დირექტორის მოადგილე; 1962-1983წწ. მუშაობდა საქართველოს მშენებლობის სამინისტროს N1 სამშენებლო ტრესტ "ამიერკავკასმეტალურგმშენში" ტრესტის მმართველის მოადგილედ; 1983-1990წწ. ტრესტ "საქკურორტმშენის" მმართველად; 1990 წლიდან ხელმძღვანელობდა სამშენებლო ტრესტ "ტურისტმშენს"; მონაწილეობდა სამრეწველო და სამოქალაქო დანიშნულების მრავალი მნიშვნელოვანი ობიექტის მშენებლობაში, ტაშკენტის მიწისძვრის შედეგად დანგრეული ობიექტების აღდგენაში; როგორც ქველმოქმედმა, რესტავრაცია ჩაუტარა ნახევრად დანგრეულ ლომისის წმინდა გიორგის სახელობის ეკლესიას (დუშეთის რაიონში, სოფელ მლეთასთან).

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.708

• საპატიო ნიშნის მედალი
• საპატიო ნიშნის ორდენი
• საქართველოს დამსახურებული ინჟინერი