მამია ხაზარაძე

დაბადების ადგილი: სოფელი ბაში, სამტრედიის რაიონი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი 1958 წელს.

1958-1970წწ. მუშაობდა რუსთავის მეტალურგიული ქარხნის ერთ-ერთი საამქროს ბრიგადირად და ოსტატად, უფროსის მოადგილედ; 1970-1975წწ. ხელმძღვანელობდა საქართველოს სასოფლო მშენებლობის სამინისტროს N1 სამშენებლო ტრესტის მექანიზაციისა და ტრანსპორტის სამმართველოს; 1975-1993წწ. იყო საპროექტო ინსტიტუტ "საქსოფლმშენპროექტის" დირექტორის მოადგილე; 1995 წელს სათავეში ჩაუდგა მის მიერ დაფუძნებულ სამშენებლო კომპანია შპს "მშენებელ-95"-ს; მონაწილეობდა კოდის მეფრინველეობის ფაბრიკის, კრწანისის სასათბურე მეურნეობის, საცხოვრებელი სახლების, სკოლების, საბავშვო ბაღების მშენებლობაში; აქტიურად იყო ჩართული მცხეთის სვეტიცხოვლის საკათედრო ტაძრის სარესტავრაციო სამუშაოებში; ხელმძღვანელობდა თბილისის ყოფილი უნივერმაღის (მარჯანიშვილის ქუჩაზე) უნიკალური შენობის სარეკონსტრუქციო სამუშაოებს; თავისი ინიციავიტითა და ძალებით მშობლიურ სოფელ ბაშში ააშენა მარიამის სახელობის ეკლესია; მიღებული ჰქონდა სახელმწიფო და საუწყებო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.710

• საქართველოს ეროვნულ და სოციალურ ურთიერთობათა აკადემია, აკადემიკოსი