კობა ხატიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი არქიტექტურის სპეციალობით 1961 წელს.

1961-1963წწ. მუშაობდა საპროექტო ინსტიტუტ "საქგიპროშახტში" არქიტექტორად; 1963-1964წწ. საქართველოს სახალხო მეურნეობის საბჭოსთან არსებული სპეციალურ სამხატვრო-საკონსტრუქტორო ბიუროში უფროს მხატვარ-კონსტრუქტორად, ჯგუფის ხელმძღვანელად; 1964-2006წწ. იყო თბილისის ზონალური ს/კ, ტიპური და ექსპერიმენტული პროექტირების ინსტიტუტის ("თბილზნიიეპი") უფროსი არქიტექტორი, ჯგუფის ხელმძღვანელი, პროექტის მთავარი არქიტექტორი; 1971-1974წწ. მივლინებული იყო გვინეის რესპუბლიკაში (აფრიკა) მუშათა დაბის დასაპროექტებლად და მშენებლობის საავტორო ზედამხედველობისთვის; 1990 წელს მიიწვიეს საპროექტო ინსტიტუტ "თბილქალაქპროექტში" თბილისის ს. ჩიქოვანის ქუჩის მიმდებარე ტერიტორიის განაშენიანების პროექტის (არქ. თ. ბოჭორიშვილთან ერთად) დასამუშავებლად; 1994-1996წწ. მუშაობდა მოსკოვის სამშენებლო ორგანიზაციის საპროექტო ბიუროში პროექტის მთავარ არქიტექტორად; 1997-2002წწ. ხელმძღვანელობდა სამშენებლო კომპანია "კავუნიტექსის" საპროექტო ბიუროს; 2003-2005წწ. მუშაობდა "ცენტრ პოინტის" საპროექტო ჯგუფში პროექტის მთავარ არქიტექტორად; სხვადასხვა დროს მუშაობდა (კოლეგებთან ერთად) მადნეულის სამთო-გამამდიდრებელი კომბინატის საცხოვრებელი დასახლების (1976), დაბალმჭიდრო განაშენიანებაზე გათვლილი 3-4-სართულიანი ექსპერიმენტული სახლების პროექტების შემუშავებაზე (პროექტები განხორციელდა თელავში, სიღნაღში, გორში, ცხინვალსა და თბილისში დიდ დიღომსა და ზღვის უბანში); საბჭოთა კავშირის მშენებლობისა და არქიტექტურის საქმეთა სახელმწიფო კომიტეტმა მას უმაღლესი შეფასება ("საუკეთესო ხარისხი") მიანიჭა; არის არქიტექტორთა საკავშირო, რესპუბლიკური და შიდასაინსტიტუტო კონკურსების გამარჯვებული.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.715