ელდარ ხვიჩია

დაბადების ადგილი: სოფელი მუხაესტატე, ქობულეთის რაიონი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1971 წელს.

1971-1974წწ. მუშაობდა საქართველოს მშენებლობის სამინისტროს N5 სამშენებლო ტრესტში ოსტატად, სამუშაოს მწარმოებლად, უბნის უფროსად, სამშენებლო სამმართველოს მთავარ ინჟინრად; 1974-1978წწ. იყო პარტიის აჭარის ავტონომიური რესპუბლიკის საოლქო კომიტეტის ინსტრუქტორი; კურირებდა მშენებლობისა და კომუნალური მეურნეობის ობიექტების პროექტირებასა და მშენებლობას; 1978-1988წწ. მუშაობდა ბათუმის სახლმშენებელი კომბინატის დირექტორად; 1988-1991წწ. "აჭარკოოპკავშირის" N28 მოძრავ-მექანიზებული სამშენებლო კოლონის უფროსად; 1991-1992წწ. არჩეული იყო ქ. ბათუმის ვიცე-მერად; 1992-1993წწ. - ქობულეთის რაიონის გამგებლად; 1993-2000წწ. აჭარის ავტონომიური რესპუბლიკის ქონების მართვის მინისტრი; 2000-2003წწ. აჭარის ავტონომიური რესპუბლიკის მრეწველობის მინისტრი; დიდი ღვაწლი მიუძღვის ახალი 435 სერიის 9 და 12-სართულიანი საცხოვრებელი სახლების რკინაბეტონის ანაკრები ნაკეთობების სამრეწველო ათვისებისა და მშენებლობაში დანერგვის საქმეში დასავლეთ საქართველოს რეგიონში (აჭარაში, აფხაზეთში, ფოთში, ზესტაფონში, ოზურგეთში, ლანჩხუთში და ა.შ.); აღსანიშნავია მისი დამსახურება ქართული სპორტის განვითარებაში; იყო საქართველოს მრავალგზის ჩემპიონი ავტორალში, ასევე საკავშირო ნაკრების გუნდის წევრი; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. - თბ., 2017.-გვ.720