ნოდარ ხომერიკი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო ფაკულტეტი 1960 წელს.

მუშაობდა ქ. თბილისის ისნის რაისაბჭოს აღმასკომის კეთილმოწყობის განყოფილების მთავარ ინჟინრად, აღმასკომის თავმჯდომარის პირველ მოადგილედ, სამგორის რაისაბჭოს აღმასკომის თავმჯდომარედ; 1980 წლიდან იყო მელიორაციისა და წყალთა მეურნეობის სისტემაში - სათავეში ედგა "საქმთავარწყალმშენის" ტრესტ "წყალსაშენმასალებს"; მონაწილეობდა "საქმთავარწყალმშენის" რკინაბეტონის ნაკეთობათა ქარხნების რეკონსტრუირებასა და მშენებლობაში, სამელიორაციო მშენებლობისთვის საჭირო სხვადასხვა ფორმის ანაკრები რკინაბეტონის კონსტრუქციების გამოშვების დანერგვაში; მიღებული ჰქონდა სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.724