თეიმურაზ ხოჯავა

დაბადების ადგილი: ქ. ბათუმი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1977 წელს; ამავე ინსტიტუტის არქიტექტურული გეგმარების კათედრის ასპირანტურა 1983 წელს.

1977-1988წწ. მუშაობდა საპროექტო ინსტიტუტ "საქქალაქმშენსახპროექტში" არქიტექტორად, უფროს არქიტექტორად; 1989-1993წწ. საქართველოს არქიტექტორთა კავშირის რესპულიკურ გაერთიანება "საქარქპროექტში" დირექტორის მოადგილედ; 1994 წლიდან შპს "არქსტუდიის" გენერალური დირექტორის მოადგილედ; 1992 წლიდან ეწევა პედაგოგიურ მოღვაწეობას საქართველოს ტექნიკური უნივერსიტეტის არქიტექტურის ინსტიტუტში; არის არქიტექტურული გეგმარების კათედრის დოცენტი; მისი ძირითადი ნამუშევრებია: 300-ადგილიანი სასტუმრო "რუსთავი", სამედიცინო ლაბორატორია 100-ადგილიანი სტაციონარით ბორჯომში, მიხეილ ხერგიანის სახლ-მუზეუმი ქ. მესტიაში, გამოთვლითი ცენტრი თბილისში (ბელინსკის ქუჩაზე), "ივერთბანკის" ფილიალი ბათუმში, ინდივიდუალური საცხოვრებელი სახლები წყნეთში; საკონკურსო პროექტები: თავისუფლების მოედნისა და მიმდებარე ტერიტორიის მოშენების პროექტი, საგამოფენო პავილიონი საერთაშორისო გამოფენაზე "ექსპო-92" სევილიაში (ესპანეთი). მიღებული აქვს საქართველოს მინისტრთა საბჭოს პრემია.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.727

• საქართველოს არქიტექტორთა კავშირი, წევრი
• საქართველოს დიზაინერთა კავშირი, წევრი