ვლადიმერ ხურცილავა

დაბადების ადგილი: ქ. მარტვილი.

დაამთავრა საქართველოს სასოფლო-სამეურნეო ინსტიტუტის ჰიდრომელიორაციის ფაკულტეტი 1956 წელს.

1956 წლიდან მუშაობდა საქართველოს მელიორაციისა და წყალთა მეურნეობის სისტემაში; იყო სამშენებლო სამმართველოს მთავარი ინჟინერი, სამმართველოს უფროსი, ტრესტის მმართველის მოადგილე, ტრესტის მთავარი ინჟინერი; მუშაობდა სამშენებლო ტრესტ "კოლხეთმშენის" მმართველად, სახელმწიფო საწარმოო გაერთიანება "საქწყალმშენის" თელეთის სამშენებლო სამმართველოს უფროსად; მონაწილეობდა ქვემო და ზემო სამგორის, საგურამოს, ალაზნის, "ტბისი-კუმისის" სარწყავი სისტემების, "ხიბულა-საჯიჯაოს" ჩაის პლანტაციების და წვიმებით მორწყვის სისტემის, ალგეთის, ასურეთის, ლიპის, დევისწყლისა და კუხის წყალსაცავების მშენებლობებში, კოლხეთის დაბლობის ტერიტორიების დაშრობის სამუშაოები და სამშენებლო ინდუსტრიული ქარხნების მშენებლობაში; მიღებული აქვს სახელმწიფო ჯილდოები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.730