გრიგოლ ჯაბუა

დაბადების ადგილი: სოფელი ახალდაბა, ბორჯომის რაიონი.

დაამთავრა თბილისის სამხატვრო აკადემიის არქიტექტურის ფაკულტეტი 1951 წელს.

1951-1952წწ. მუშაობდა საპროექტო ინსტიტუტებში "საქსახპროექტი" და 1952-1953წწ. "ქუთოლპროექტი" პროექტის მთავარ არქიტექტორად; მუშაობდა საპროექტო ინსტიტუტ "საქქალაქმშენსახპროექტში" სახელოსნოს ხელმძღვანელად; 1976-1985წწ. იყო თბილისის სამხატვრო აკადემიის პედაგოგი, არქიტექტურის ფაკულტეტის დოცენტი, აკადემიის სამხატვრო საბჭოს წევრი; მისი ძირითადი ნამუშევრებია: დრამატული თეატრი და "საჭაშნიკე" ქ. თელავში, კინოთეატრი "კარიბჭე" (მცხეთაში), "გამარჯვება" (გორში), მწერალთა შემოქმედებითი სახლი-პანსიონატი "ლიტფონდი" (სოხუმში), სსრკ ჟურნალისტთა და კინემატოგრაფისტთა დასასვენებელი სახლი (ბიჭვინთაში), სასტუმრო (ყვარელში), სანატორიუმის კომპლექსი (ლიკანში), ადმინისტრაციული სახლები (სოხუმში, ქარელში და სხვ.); სხვადასხვა დროს კონკურსებში გამარჯვებულ მის ნამუშევრებს შორის აღსანიშნავია: 240-ადგილიანი საბავშვო ბაღი (I პრემია), ტიპური სახლების საკავშირო მასშტაბის კონკურსი (II პრემია), ადმინისტრაციული სახლი რუსთაველის მოედანზე ქ. თბილისში (II პრემია) და სხვა; არის სსრკ მინისტრთა საბჭოს პრემიის ლაურეატი და საბჭოთა კავშირის 1982 წლის საუკეთესო პროექტის ავტორი; დაჯილდოებულია საქართველოს მშენებლობის საქმეთა სახელმწიფო კომიტეტის ("სახმშენის") საპატიო სიგელებით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.732

• საქართველოს არქიტექტორთა კავშირი, წევრი

• მედალი "შრომითი მამაცობისთვის"
• საპატიო ნიშნის ორდენი
• საქართველოს დამსახურებული არქიტექტორი