ალბერტ ჯანელიძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამშენებლო არქიტექტურის სპეციალობით 1965 წელს; მოსკოვის საინჟინრო მიწათმოწყობის საკავშირო ინსტიტუტის ასპირანტურა 1971 წელს.

1965 წლიდან მუშაობდა ყაზახეთში, ჯერ ქ. ცელინოგრადის მთავარი არქიტექტორის სამსახურში, შემდგომ სასოფლო-სამეურნეო ინსტიტუტის სოფლის დაგეგმარება-განაშენიანების კათედრის უფროს მასწავლებლად; 1974-1975წწ. იყო მოსკოვის ოლქის არქიტექტურულ-გეგმარებითი მთავარი სამმართველოს სამხრეთ-აღმოსავლეთი ზონის მთავარი არქიტექტორი; 1975-1995წწ. საქართველოს მშენებლობის საქმეთა სახელმწიფო კომიტეტის ("სახმშენის") განყოფილების გამგე და კოლეგიის წევრი; 1995-1996წწ. მუშაობდა საქართველოს არქიტექტურისა და მშენებლობის სამინისტროს ქალაქმშენებლობის სამმართველოს უფროსის მოადგილედ; 1996-1998წწ. საქართველოს ურბანიზაციისა და მშენებლობის სამინისტროს ქალაქებისა და რაიონების მთავარ არქიტექტორთა სამსახურების საქმიანობის კოორდინაციისა და საგარეო ურთიერთობათა სამმართველოს უფროსად; სამინისტროს ტერიტორიულ-სივრცითი, ქალაქთმშენებლობისა და არქიტექტურის დეპარტამენტის თავმჯდომარის მოადგილედ; გამოქვეყნებული აქვს საქართველოს დასახლებათა დაგეგმარება-განაშენიანების პრობლემებისადმი მიძღვნილი 10-ზე მეტი სამეცნიერო-ტექნიკური ხასიათის სტატია და ნაშრომი; არის მთელ რიგ დასახლებათა გენგეგმების ავტორი, არქიტექტურულ-გეგმარებითი კონკურსების გამარჯვებული.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.739; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.204

• საქართველოს არქიტექტორთა კავშირი, წევრი

• 2000 - ღირსების ორდენი