ანზორ ჯუღელი

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1958 წელს.

მუშაობდა საქართველოს რადიომაუწყებლობასა და ტელევიზიის სახელმწიფო კომიტეტში, 1964 წლიდან - კინოსტუდია "ქართულ ფილმში" სატელევიზიო ფილმების გაერთიანება "ეკრანის" რედაქტორად. 1979-1089წწ. იყო გაერთიანება "დებიუტის" და სტუდია "+1"-ის მთავარი რედაქტორი. მისი მონაწილეობით შეიქმნა სცენარები მხატვრული ფილმებისთვის "XIX საუკუნის ქართული ქრონიკა" (რ. კვესელავასთან ერთად / ა. რეხვიაშვილი, 1978), "ჟამი მოქცევისა" (ნ. ომიაძე, 1982), "ფარანი ქარში" (ნ. ომიაძე, 1987), "მაცხოვრის საფლავზე ანთებული სანთელი" (ს. ჟღენტთან, ა. დოლიძესთან ერთად / რ. ჩხეიძე, 2008); მისი სცენარით გადაღებულია დოკუმენტური ფილმები: "თბილისელები შაბათს და კვირას" (1979), "დარღვეული კავშირი" (1980), "მიწა და ადამიანი" (1981); ანიმაციური ფილმი "ჭა" (ბ. სტარიკოვსკი, 1974). 1968-1987წწ. თანამშრომლობდა "ქართული ფილმის" დუბლიაჟის განყოფილებასთან, დიდი ღვაწლი დასდო უცხოური ფილმების ქართულ ენაზე თარგმნის საქმეს (70 დუბლირებული ფილმის ქართული სინქნორული ტექსტის ავტორი).

წყარო: ქართული კინო, 1896-2011.- თბ., 2011.- გვ. 229; ეროვნული ფილმოგრაფიის პორტალი: geocinema.ge

• საქართველოს კინემატოგრაფისტთა კავშირი, წევრი