ავთანდილ ხვადაგიანი

დაბადების ადგილი: ქ. ქუთაისი.

დაამთავრა ქუთაისის პოლიტექნიკური ინსტიტუტის მექანიკა-მანქანათმშენებლობის ფაკულტეტი მანქანათმშენებლობის ტექნოლოგიის, ლითონმჭრელი ჩარხებისა და იარაღების სპეციალობით 1984 წელს.

1984-1987 წწ. მუშაობდა ქუთაისის საავტომობილო ქარხანაში ინჟინერ-ტექნოლოგად. 1987-1990 წწ. იყო საქართველოს მეცნიერებათა აკადემიის ფ. თავაძის სახელობის მეტალურგიისა და მასალათმცოდნეობის ინსტიტუტის ასპირანტი, 1988-1990 წწ. ამავე ინსტიტუტის მეცნიერი თანამშრომელი, 1990 წლიდან არის უფროსი მეცნიერი თანამშრომელი. 1996-1998 წწ. მუშაობდა საქართველოს თავდაცვის სამინისტროს ტექნიკური სამმართველოს უფროსის მოადგილედ, 1998-2002 წწ. საქართველოს შეიარაღებული ძალების გენერალური შტაბის სტრატეგიული დაგეგმარებისა და სამეცნიერო ტექნიკური კვლევების მთავარი სამმართველოს უფროსის მოადგილეა, 2002-2004 წწ. საქართველოს თავდაცვის სამინისტროს კვლევებისა და ტექნოლოგიების ცენტრის უფროსის მოადგილედ, 2005 წლიდან - საქართველოს შეიარაღებული ძალების გენერალური შტაბის ლოჯისტიკური უზრუნველყოფის სამმართველოს უფროსის მოადგილედ. ტექნიკის მეცნიერებათა კანდიდატი, ვიცე-პოლკოვნიკი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ.. -თბ., 2012.-გვ.125

• საქართველოს საინჟინრო აკადემია, წევრ-კორესპონდენტი

• 2001 - მედალი "მხედრული მამაცობისთვის"
• 1998 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  ქვეყნის თავდაცვისუნარიანობის განმტკიცების საქმეში შეტანილი მნიშვნელოვანი წვლილისთვის