
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

იოსებ იმეხუზლა

Other name:	იასე რაჭველი (Pseudonym)
Date of birth:	1860
Date of death:	March, 1919 (at 59 years)
Burial location:	სოფელი ბაილეთი, ოზურგეთის მაზრა
Category:	Writer, Politician, Journalist

Biography

დაბადების ადგილი: სოფელი ბაილეთი, ოზურგეთის მაზრა.

დაამთავრა სოფლის ერთკლასიანი სასწავლებელი. სოფლის მასწავლებელმა ბესარიონ ჭიჭინაძემ, მშობლების თანხმობით, რაჭის ორკლასიან სასწავლებელში გაგზავნა. სკოლის დასრულების შემდეგ დარჩა რაჭაში. შეუერთდა არალეგალურ ორგანიზაციას, რომელიც მალევე ჟანდარმერიამ დახურა. დაბრუნდა გურიაში, თუმცა 1880-იან წლებში გადახვეწა მოუწია ოსმალეთში. საბერძნეთსა და სტამბოლში ყოფნის დროს შეისწავლა ენები. იმოგზაურა იტალიასა და საფრანგეთში. აგროვებდა ეთნოგრაფიულ მასალას და დააარსა ამხანაგობა "გეორგია". გადასახლებაში მყოფი, იასე რაჭველის ფსევდონიმით, ქართულ ჟურნალ-გაზეთებში აქვეყნებდა წერილებს, რომლებიც პატრიოტულ სულისკვეთებას უღვივებდა მკითხველთ. 1904 წელს დაბრუნდა საქართველოში, თბილისის თვითმმართველობასთან გზების ქვებით მოპირკეთებასთან დაკავშირებით დადო შეთანხმება. ქვები თავდაპირველად საზღვარგარეთიდან შემოჰქონდა, შემდეგ კი - სოფ. კურსებიდან (ქუთაისის მაზრა). 1907 წელს მუხრანის ხიდის რკინის კონსტრუქციის მშენებლობა დაიწყო, თუმცა დაკისრებული ვალდებულება ვერ შეასრულა. გადავიდა ლაგოდეხში. დაიწყო ხელნაწერი ჟურნალის "ჰერეთი" გამოცემა. საქართველოს დემოკრატიული რესპუბლიკის პერიოდულ პრესაში მისი ფოტოები და თარგმანები იბეჭდებოდა. 1919 წლის მარტში ლაგოდეხში მოულოდნელად გარდაიცვალა. ჟურნალში "თეატრი და ცხოვრება" გამოქვეყნდა გარდაცვალების ნეკროლოგი და მასზე იოსებ არიმათიელის წერილი. მის ხსოვნას ვარდენ ყიფიანმა ლექსი მიუძღვნა. 1920 წლის 24 ივნისს მუშათა ცენტრალურ კლუბში იასე რაჭველის ხსოვნის აღსანიშნავი საღამო გაიმართა - "საღამო სოსიას ღელე". დამსწრეებს სიტყვით იოსებ იმედაშვილმა მიმართა. ლექსები წაიკითხეს მგოსნებმა: ვ. რუხაძემ, იოსებ გრიშაშვილმა, გიორგი ქუჩიშვილმა, დარია ახვლედიანმა და სხვ. იასე რაჭველი არაერთი ლექსის, პოემის, მოთხრობისა თუ რომანის ავტორია.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.203

Bibliography

მარიანნა : მოთხრობა ბელგიის თანამედროვე ცხოვრებიდან (Author). - თბილისი, სტ. "სორაპანი", 1914. - 64გვ.
რაშია ბედნიერება?.. : ისტორიული ამბავი ბერძენთა ცხოვრებიდან (Author). - თბილისი, წიგნის მაღაზია "ცოდნას" საკუთრება N16, 1904. - 64გვ.
"მეექვსე ნომერი" ანუ "ხალიფის წინააღმდეგი" ამბავი ილდიზ-კიოსკიდან (Author). - ტფილისი, ექ. ივ. ხელაძის სტ., 1897. - 148გვ.
უმანკო მსხვერპლნი : მოთხრობა იასე რაჭველისა (Author). - ახალ-სენაკი, ძმ. თავართქილაძეების სტ., 1896. - 24გვ.
მართალი კაცი : მოთხრობა იასე რაჭველისა (Author). - ახალ-სენაკი, ძმ. თავართქილაძეების სტ., 1896. - 55გვ.
დასჯილი : პოემა (Author). - ახალ-სენაკი , კ. თავართქილაძის წიგნის მაღაზიის გამოცემა, N47, 1895. - 20გვ.