ვაჟა ჯიქია

დაბადების ადგილი: ქ. ზუგდიდი.

დაამთავრა თბილისის რკინიგზის ტრანსპორტის ინჟინერთა ინსტიტუტი 1938 წელს.

1940 წელს გაიწვიეს სავალდებულო სამხედრო სამსახურში, საბჭოთა არმიის რიგებში; მონაწილეობდა 1941-1945წწ. მეორე მსოფლიო ომში, იბრძოდა ლენინგრადის, ბალტიისპირეთისა და ბელორუსიის ფრონტებზე, საარტილერიო დივიზიონში; დიდ სამამულო ომში გამოჩენილი თავდადებისა და მამაცობისთვის მიღებული ჰქონდა სახელმწიფო ჯილდოები, ოთხი საბრძოლო ორდენი და ცხრა მედალი; საბჭოთა არმიის რიგებიდან დემობილიზაციის შემდეგ, 1946-1950წწ. მუშაობდა ქ. სოხუმის ელექტროქსელების დირექტორად; 1950-1951წწ. მუშაობდა საქართველოს კპ სოხუმის საქალაქო კომიტეტის მრეწველობისა და ტრანსპორტის განყოფილების გამგედ; 1951 წელს არჩეულ იქნა სოხუმის საქალაქო კომიტეტის მდივნად, ხოლო 1952 წელს ტყვარჩელის საქაქლაქო კომიტეტის პირველ მდივნად; 1953-1954წწ. მუშაობდა ქ. სოხუმის საზღვაო პორტის უფროსად; 1955 წელს გადაიყვანეს საქართველოს მშენებლობის სამინისტროს N6 სამშენებლო ტრესტის მექანიზაციის სამმართველოს უფროსად, სადაც იმუშავა 1966 წლამდე; 1966 წელს გადაიყვანეს საქართველოს მშენებლობის სამინისტროს ახალშექმნილი მექანიზაციის სპეციალიზებული ტრესტის N8 მექანიზაციის სამმართველოს უფროსად, სადაც მუშაობდა 1980 წლამდე; 1980-1985წწ. მუშაობდა საქართველოს მშენებლობის სამინისტროს ტრესტ "ორგტექმშენის" სოხუმის განყოფილების მთავარ სპეციალისტად; 1985-1992წწ. მუშაობდა აფხაზეთის ავტონომიური რესპუბლიკის მინისტრთა საბჭოს სამეურნეო სამმართველოს მთავარ ინჟინრად; 1994-1999წწ. მუშაობდა აფხაზეთის ავტონომიური რესპუბლიკის მინისტრთა საბჭოს სახელმწიფო მრჩევლად; არაერთგზის იყო არჩეული სოხუმისა და ტყვარჩელის საქალაქო საბჭოების დეპუტატად.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.751

• აფხაზეთის დამსახურებული ინჟინერი
• საქართველოს დამსახურებული ინჟინერი