მერაბ ჯიშიაშვილი

დაბადების ადგილი: ქ. ტყიბული.

დაამთავრა საქართველოს პოლიტექნიკური ინსტიტუტი საავტომობილო გზების მშენებლობის სპეციალობით 1980 წელს.

1980 წელს მუშაობა დაიწყო საქართველოს საავტომობილო გზების სამინისტროს საპროექტო ინსტიტუტ "საქსახგზაპროექტში" ინჟინრად; დაწინაურებულ იქნა ჯგუფის ხელმძღვანელად; 1989 წლიდან მუშაობდა საქართველოს საავტომობილო გზების სამინისტროს საწარმოო გაერთიანება "თბილავტოგზის" საწარმოო და კაპიტალური მშენებლობის განყოფილების უფროსად; 1991-1993 წწ. იყო საქართველოს საავტომობილო გზების დეპარტამენტის კაპიტალური მშენებლობის განყოფილების უფროსი; ამ პერიოდში სახელმწიფო საავტომობილო გზების მშენებლობის მთავარი დამფინანსებელი სტრუქტურის, მსოფლიო ბანკის განვითარების ასოციაციისა და სხვა საერთაშორისო ორგანიზაციების რეკომენდაციით, სამინისტროს და მის დეპარტამენტს ძირითადად დარჩათ მაკოორდინებელი ფუნქციები; აღნიშნული გარემოების გათვალისწინებითა და პრაქტიკულ საქმიანობაში აქტიური ჩართულობის მიზნით შექმნა კერძო ფირმა; შპს "საავტომობილო გზების რეაბილიტაციისა და მოდერნიზაციის ზედამხედველობის დირექცია", რომელიც არის სამართალმემკვიდრე საქართველოს საავტომობილო გზების სამინისტროს მშენებარე ობიექტების დირექციის; აღნიშნული დირექციის დირექტორი; დირექციის ზედამხედველობით განხორციელდა, სახელმწიფო ბიუჯეტით, მსოფლიო ბანკისა და ევროგაერთიანების (TRASECA) პროგრამებით დაფინანსებული, ისეთი მნიშვნელოვანი ობიექტების მშენებლობა, როგორებიცაა: საერთაშორისო მნიშვნელობის საავტომობილო გზის "თბილისი-სენაკი-ლესელიძის" (27-43კმ) მონაკვეთის, აღმოსავლეთ-დასავლეთის (E60) ავტომაგისტრალის (43-55კმ) "აღაიანი-იგოეთის" მონაკვეთის რეაბილიტაცია, "იგოეთი-სვენეთის" (50-80კმ), "ზესტაფონი-ქუთაისი-სამტრედიის" და "სამტრედია-გრიგოლეთის", "გრიგოლეთი-ჩოლოქის" სახელმწიფო გზების მშენებლობა-მოდერნიზაციის პროექტები; "სენაკი-ფოთი-სარფის" საავტომობილო გზის (89-96კმ) მონაკვეთის, მახინჯაურის მონაკვეთზე საავტომობილო გვირაბების მშენებლობის I და II რიგის სამუშაოები; "თბილისი-წითელი ხიდის" საავტომობილო გზის და "თბილისი-რუსთავის" მონაკვეთის მშენებლობა-მოდერნიზაცია, სამცხე-ჯავახეთის გზების რეაბილიტაცია (240კმ), გუდაურის ინფრასტრუქტურის განვითარების, "მცხეთა-სტეფანწმინდა-ლარსის" მონაკვეთის რეკონსტრუქცია-რეაბილიტაციის პროექტების განხორციელება.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.754-755; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.262

• საქართველოს ეროვნულ და სოციალურ ურთიერთობათა აკადემია, აკადემიკოსი

• 2010 - ღირსების ორდენი
• 1998 - ღირსების მედალი
  მდინარე ხრამზე სახიდე გადასასვლელის - "წითელი ხიდის" მშენებლობის დადგენილ ვადაში დამთავრებისა და მაღალი პროფესიონალიზმის გამოვლენისათვის