გობრონ ჯოხთაბერიძე

დაბადების ადგილი: სოფელი ახუთი, ჩხოროწყუს რაიონი.

დაამთავრა თბილისის რკინიგზის ტრანსპორტის ინჟინერთა ინსტიტუტი 1947 წელს.

მუშაობდა პარტიულ, პროფკავშირულ და კომკავშირულ ორგანიზაციებში, რკინიგზის მშენებლობის სამმართველოს უფროსის მოადგილედ; იყო საქართველოს კომპარტიის აფხაზეთის საოლქო კომიტეტის სამრეწველო-სატრანსპორტო განყოფილების გამგე, აფხაზეთის ავტონომიური რესპუბლიკის ადგილობრივი მრეწველობის მინისტრი; მუშაობდა აფხაზეთის პროფსაბჭოს თავმჯდომარედ, საქართველოს კომპარტიის აფხაზეთის საოლქო კომიტეტის პარტიულ-საორგანიზაციო განყოფილების გამგედ; 1970-1973წწ. მუშაობდა საქართველოს კომპარტიის აფხაზეთის საოლქო კომიტეტის სოხუმის საქალაქო კომიტეტის პირველ მდივნად; 1973-1985წწ. იყო საქართველოს სსრ ტურიზმის რესპუბლიკური საბჭოს თავმჯდომარე; არჩეული იყო აფხაზეთის ავტონომიური რესპუბლიკის უმაღლესი და სოხუმის საქალაქო საბჭოების დეპუტატად; მიღებული ჰქონდა სახელმწიფო ჯილდოები და საპატიო სიგელები.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.759