აბესალომ ჯოჯუა

დაბადების რაიონი: სოფელი ქოლობანი, აბაშის აიონი.

დაამთავრა თბილისის სამშენებლო ტექნიკუმი 1947 წელს; საქართველოს პოლიტექნიკური ინსტიტუტის სამშენებლო ფაკულტეტი სამრეწველო და სამოქალაქო მშენებლობის სპეციალობით 1951 წელს.

მუშაობა დაიწყო ქ. ფრუნზეში "თბილელექტროცენტრალის" მშენებლობაზე მშენებელ ოსტატად; 1952 წლიდან გადმოდის აფხაზეთის ავტონომიურ რესპუბლიკაში და მუშაობას იწყებს სამშენებლო ტრესტ "ტყვარჩელშახტმშენის" სამშენებლო სამმართველოში სამუშაოთა მწარმოებლად; 1970 წლიდან მუშაობდა საქართველოს მშენებლობის სამინისტროს N7 სამშენებლო ტრესტ "საქშახტმშენში"; 1972-1976წწ. იყო მადნეულის სამშენებლო სამმართველოს უფროსი სამთო-გამამდიდრებელი კომბინატის კომპლექსის მშენებლობაზე; 1976-1986წწ. მშენებლობის სამინისტროს N3 სამშენებლო ტრესტის ("თბილმრეწვმშენი") მთავარი ინჟინერი; 1986-1988წწ. მშენებლობის სამინისტროს მთავარი საწარმოო განმკარგულებელი სამმართველოს უფროსი; 1988 წლიდან იყო სამშენებლო ტრესტ "საქკურორტმშენის" კაპმშენებლობის ხარისხის განყოფილების უფროსი; ხელმძღვანელობდა მადნეულის სამთო-გამამდიდრებელი კომბინატის, ტყვარჩელის შახტების, სამრეწველო-საყოფაცხოვრებო დანიშნულების ობიექტების მშენებლობას (თბილისში, ტყვარჩელსა და კაზრეთში); დაჯილდოებულია "მეშახტის დიდების" I და II ხარისხის სამკერდე ნიშნით.

წყარო: საქართველოს არქიტექტორთა და მშენებელთა ენციკლოპედია. -თბ., 2017.-გვ.759-760

• მედალი "შრომითი მამაცობისთვის"
• საქართველოს დამსახურებული მშენებელი