ანდრია როგავა

დაბადების ადგილი: ქ. თბილისი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის ფიზიკის ფაკულტეტი თეორიული ფიზიკის სპეციალობით 1986 წელს.

1986-1989 წწ. იყო საქართველოს მეცნიერებათა აკადემიის აბასთუმნის ასტროფიზიკური ობსერვატორიის ასპირანტი, 1990 წელს ობსერვატორიის უმცროსი მეცნიერი თანამშრომელი, უფროსი მეცნიერი თანამშრომელი; შემდგომ ილია ჭავჭავაძის სახელობის სახელმწიფო უნივერსიტეტთან არსებული ეროვნული ასტროფიზიკური ობსერვატორიის (ყოფილი აბასთუმნის ასტროფიზიკური ობსერვატორია) ასოცირებული მკვლევარი. 1991-1997 წწ. ივანე ჯავახიშვილის სახელობის თბილისის სახელმწიფო უნივერსიტეტის ფიზიკის ფაკულტეტზე კითხულობდა ლექციების კურსს თეორიულ ასტროფიზიკაში; ილია ჭავჭავაძის სახელობის სახელმწიფო უნივერსიტეტის ასისტენტ-პროფესორი. წლების მანძილზე ნაყოფიერად მუშაობდა უცხოეთში: 1995-1996 წწ. იყო თეორიული ფიზიკის საერთაშორისო ცენტრის (ტრიესტი, იტალია) პლაზმის ფიზიკის ჯგუფში, 1998-1999 წწ. ლუვენის კათოლიკური უნივერსიტეტის (ბელგია) პლაზმური ასტროფიზიკის ცენტრში, 2000-2004 წწ. ტურინის უნივერსიტეტის (იტალია) ფიზიკის ფაკულტეტზე. ფიზიკა-მათემატიკის მეცნიერებათა კანდიდატი.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.138

• თეორიული ფიზიკის საერთაშორისო ცენტრი (ტრიესტი, იტალია), უფროსი ასოცირებული წევრი (2003-)
• თეორიული ფიზიკის საერთაშორისო ცენტრი (ტრიესტი, იტალია), ასოცირებული წევრი (1997-2002)

• 2002 - საქართველოს სახელმწიფო პრემია , მეცნიერებისა და ტექნიკის დარგში (ერთობლივი გამარჯვება)
  საბუნებისმეტყველო მეცნიერებათა დარგში 1979-1999 წლებში შესრულებულ შრომათა ციკლისათვის - ''დინამიკური პროცესები წანაცვლებით დინებებში და მათი გამოვლინება ასტროფიზიკურ ობიექტებში''.