ალექსანდრე არაბიძე

1894 წელს ზესტაფონში გახსნა პირველი წიგნის მაღაზია. პირველად მანვე დააარსა აქ წიგნთსაცავ-სამკითხველო, რომლის დააარსებასა და შენახვაში ძალიან ეხმარებოდა ივ. თევ. არდიშვილი, როგორც ნივთიერად, ისე სხვა მონაწილეობით. ყვირილაში ჩამოაყალიბა ამხანაგობა "გლეხი" და გამომცემლობაშიც მუშაობდა. 1897 წელს ქუთაისში გადავიდა და ვლადიმერ ალექსი-მესხიშვილთან ერთად ხელი მიჰყო თეატრის ანტრეპრენიორობას. 1898 წელს ზესტაფონში ჩამოყალიბებულ სოც.-რევოლუციურ ჯგუფში მონაწილეობდა. 1903 წელს პეტერბურგში გადასახლდა, სადაც 1918 წლამდე დარჩა. 1904 წელს, პეტერბურგის სოციალ-დემოკრატიული ორგანიზაციის ლიკვიდაციის დროს შეიპყრეს. აქ რუსულ ენაზე ბეჭდავდა განსაკუთრებით საქართველოს, განმათავისუფლებელი მოძრაობისა და სოციალ-პოლიტიკური შინაარსის ისტორიულ ნარკვევებს, აგრეთვე სურათებს (ვ. გუნია, ვ. აბაშიძის ჯგუფი და სხვ.). პეტერბურგში, 1917 წელს, ა.ი. იმნაიშვილთან ერთად შექმნილი საგამომცემლო ფირმით გამოსცემდა წიგნებს. 1937 წლის 2 ივლისს დააპატიმრეს და 29 ნოემბერს სასიკვდილო განაჩენი გამოუტანეს, დახვრიტეს 5 დეკემბერს. საბჭოთა რეჟიმის რეპრესიების მსხვერპლი. გამომცემელი, თეატრალური მოღვაწე, ზესტაფონის პირველი კულტურულ-პოლიტიკური ჯგუფის წევრი. 

 წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.181; nekropole.info

• ქართველთა შორის წერა-კითხვის გამავრცელებელი საზოგადოება, ნამდვილი წევრი