რევაზ მარდალეიშვილი

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტის აგრონომიული ფაკულტეტი სწავლული აგრონომის სპეციალობით 1962 წელს.

1962-1976 წლებში მუშაობდა საქართველოს ნიადაგმცოდნეობის, აგროქიმიისა და მელიორაციის სამეცნიერო-კვლევითი ინსტიტუტის ნიადაგმცოდნეობის განყოფილების ლაბორანტად, უმცროს მეცნიერ თანამშრომლად, მეცნიერ თანამშრომლად, და უფროს მეცნიერ თანამშრომლად. 1976-2006 წლებში იყო ამავე ინსტიტუტის ნიადაგების გეოგრაფიისა და მიწის რესურსების სექტორის გამგე, ნიადაგმცოდნეობის განყოფილების  გამგე, ნიადაგების აგროეეკოლოგიური შეფასების სექტორის გამგე. 2006 წლიდან იგი სახელმწიფო სტიპენდიანტია. გეოგრაფიის მეცნიერებათა კანდიდატი.

 წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.144; საქართველოს მეცნიერებათა ეროვნული აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ.531

• 2002 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  საბუნებისმეტყველო მეცნიერებათა დარგში 1970-1999 წლებში შესრულებულ შრომათა ციკლისათვის - "საქართველოს ნიადაგების კვლევა"

• საქართველოს სსრ სამიწათმოქმედო ზონის ნიადაგების ხარისხობრივი შეფასების დროებითი მეთოდური მითითებანი (შემდგენელი). - თბილისი, 1977. - 40გვ.
• დაქვიანების გავლენა ნიადაგების ხარისხობრივ შეფასებაზე (თანაავტორი). - თბილისი, 1974. - 6გვ.
• გურჯაანის რაიონის დამლაშებული ნიადაგები და მათი სასოფლო-სამეურნეო ათვისება (ავტორი). - თბილისი, 1971. - 8გვ.