
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ივანე არჯევანიძე

Date of birth:	23 May, 1893 (131 years)
Date of death:	19??
Category:	Translator, Explorer

Biography

დაბადების ადგილი: ქ. თბილისი.

დაამთავრა თბილისის ვაჟთა II გიმნაზია და მოსკოვის სახელმწიფო უნივერსიტეტის ფიზიკა-მათემატიკური ფაკულტეტის საბუნებისმეტყველო განყოფილება.

უნივერსიტეტის უკანასკნელი კურსიდან თბილისის, თელავისა და სიღნაღის მაზრებში არქეოლოგიურ-ეთნოგრაფიული სამუშაოების ჩასატარებლად და ყოფის დამახასიათებელი კოლექციების შესაგროვებლად მიავლინეს. საქართველოში საბჭოთა წყობილების დამყარების დღიდანვე სამეცნიერო, საზოგადოებრივ-კულტურულ დაწესებულებებში საპასუხისმგებლო თანამდებობაზე მუშაობდა: პროფკავშირების სამდივნოში, 1937 წლიდან-საქართველოს სახელმწიფო ანტირელიგიურ მუზეუმში, განსახკომის პოლიტსაგანმანათლებლო სამმართველოში, სამუზეუმო-სამხარეთმცოდნეო დარგში, ხოლო 1941 წლიდან საქართველოს სსრ მეცნიერებათა აკადემიის სახელმწიფო მუზეუმში დირექტორის მოადგილედ, სწავლულ მდივნად და სხვ. სამწერლო ასპარეზზე 1928 წელს, სხვადასხვა წერილებით გამოვიდა. რუსულად თარგმნა ილია ჭავჭავაძის, აკაკი წერეთლის, ნიკო ლომოურის და სხვათა ნაწარმოებები: "სარჩობელაზედ" ("ვეჩერნი ტბილისი", 1936, №127-129, 131), "საუბარი მოხევესთან" ("ვეჩერნი ტბილისი", 1937, №122), "ნიკოლოზ გოსტაშაბიშვილი" ("ვეჩერნი ტბილისი", 1937, №111, "სოვეტსკაია აფხაზია", 1938) და სხვ. მისი ხელმძღვანელობით და უშუალო მონაწილეობით რუსულ გაზეთში "Молодой Стаплинец" (1941, №59) დაიბეჭდა საქართველოს სიძველეთა შესახებ წერილი "Памятник старины глубокой"; ასევე წერილი რუს პოეტ მიხეილ ლერმონტოვისა და ქართველი საზოგადო მოღვაწის-კონსტანტინე მამაცაშვილის მეგობრული ურთიერთობის შესახებ: "В горах Кавказа" (№57).

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.205

Bibliography

ზოგიერთი ღირსშესანიშნავი ადგილი ქუთაისსა და მის მიდამოებში (Author). - თბილისი, საბჭ. საქართველო, 1959. - 114გვ.
თბილისიდან ალაზნის ველისაკენ : მხარეთმცოდნეობის ნარკვევი. (Author). - თბილისი, საბჭ. საქართველო, 1958. - 384გვ.
თბილისის ღირსშესანიშნავი მიდამოები (Author). - თბილისი, საქ. სსრ სახელმწ. წიგნის პალატის გამ-ბა,, 1948. - 104გვ.
თბილისის უახლოესი მიდამოები : მხარეთმცოდნეობითი ნარკვევი. (Author). - თბილისი, 1940. - 64გვ.