
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ვანო ალიხანიშვილი

Legal name:	ივანე ალიხანიშვილი
Other name:	ვანო გურული შავი ბიჭი (Pseudonym) ხუნხუზა (Pseudonym)
Date of birth:	1 May, 1882 (142 years)
Date of death:	19??
Category:	Politician

Biography

დაბადების ადგილი: ქ. თბილისი.

1894 წელს ბათუმის როშტილდის ქარხანაში იყო ზეინკლის თანაშემწე, მონაწილეობდა არალეგალურ წრეებში. სააგიტაციო მასალის გავრცელების გამო, 1894 წელს ბათუმიდან გამოაძევეს, შემდეგ მუშაობდა თბილისის იარალოვის ქარხანაში. 1895 წლიდან ტერორისტთა ჯგუფში არალეგალური მუშაობისთვის საგუბერნიო ციხეში ჩასვეს, საიდანაც 1896 წელს გაიპარა და ბაქოში არალეგალურად ცხოვრობდა. 1898 წელს დიდუბეში უბნის უფროსის დაჭრისთვის, სხვებთან ერთად შეიპყრეს და მეტეხის ციხეში ჩასვეს, მოახერხა ოდესაში გაქცევა, სადაც ერთი ტერორისტული საქმის გამო შეიპყრეს და სასტიკად აწამეს. ოდესის უბნის უფროსის წყალობით მისი წამების ამბავი რევოლუციონერთა შორის გახმიანდა, მათ მოახერხეს ვანო ალიხანიშვილის განთავისუფლება და ხალხოსან ხინჩუკის დახმარებით სამკურნალოდ ქალთა მონასტერში მოათავსეს. მკურნალობის შემდეგ სამუშაოდ ლოძში გააგზავნეს, სადაც ბრალი პოლონეთის გუბერნატორზე თავდასხმაში დასდეს, შეიპყრეს და როგორც სრულწლოვანი (სხვისი პასპორტის მიხედვით) სისხლის სამართლის კანონით გაასამართლეს, მაგრამ ექსპერტთა წყალობით, რაკი მცირეწლოვნობა დაუმტკიცდა, 10 წელი კატორღა გადასახლებით შეუცვალეს და სამარის ციხეში გაგზავნეს, იქიდან ირკუტსკში, საიდანაც ამერიკაში გადავიდა. მალე ვარშავაში დაბრუნდა და ქარხანაში დაიწყო მუშაობა. 1900 წელს ფინეთის გუბერნატორის წინააღმდეგ შეთქმულებაში მონაწილეობისათვის პასუხისგებაში მისცეს, 16 წლით კატორღა მიუსაჯეს, გასაჩივრებისთვის - 8 წელი და შლისცბერგის ციხეში ჩასვეს, საიდანაც ზერელის საშუალებით გაიპარა და სამუშაოდ თბილისში ჩამოვიდა, თბილისიდან ამხანაგების მიერ ერთი საქმის შესასრულებლად ტაშკენტში გაიგზავნა, სადაც შეიპყრეს უცხოელი სოციალ-დემოკრატების პროკლამაციების და კომუნისტური მანიფესტის გავრცელებაში ბრალდებით, ომსკის გუბერნიაში გადაასახლეს. 1902 წელს გარეკახეთში ტერორისტების ჯგუფი შექმნა. მონაწილეობდა 1905 წლის განმათავისუფლებელ მოძრაობაში. რევოლუციის შემდეგ გვარდიის შტაბში და სამხედრო სამინისტროში სხვადასხვა საპასუხისმგებლო თანამდებობები ეკავა. მენშევიკური მთავრობის დროს ოპოზიციური მუშაობისათვის, როგორც გადატრიალების ორგანიზატორი, 4-ჯერ შეიპყრეს. 1921 წელს, ბოლშევიკების შემოსვლის შემდეგ ემიგრაციას საზღვარგარეთ გაჰყვა, სადაც ოპოციური მუშაობა განაგრძო - საბჭოთა ხელისუფლებასთან შერიგებას და გატანილი ქონებით სამშობლოში დაბრუნებას მოითხოვდა. საქართველოში 1925 წელს დაბრუნდა. საერთოდ, სიკვდილით დასჯა 3-ჯერ ჰქონდა მისჯილი, გაროზგეს 14-ჯერ, პასუხისგებაში მისცეს 76-ჯერ. სტამბოლში დაწერა "რამ დაგვღუპა და რა გვიხსნის?!" (სტამბოლი, 1922 წელი ; მეორედ გამოიცა თბილისში, 1926 წელს). რევოლუციონერი.

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.119; gurianews.com; hi-in.facebook.com

Bibliography

რამ დაგვღუპა და რა გვიხსნის (Author). - სტამბოლი, საბეჭდავი კათოლიკე ქართველთა სავანისა, 1923. - 40გვ.