კახა მახვილაძე

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამრეწველო - სამოქალაქო მშენებლობის ფაკულტეტი 1982 წელს; მენეჯერთა სკოლა მშენებლობის მენეჯერის სპეციალობით 1990 წელს.

1982-1987 წწ. მუშაობდა საქართველოს მშენებლობის სამინისტროს საკონსტრუქტორო-ტექნოლოგიური ბიუროს - "მშენინდუსტრიის" კონსტრუქტორად; 1987-1990 წწ. საქართველოს მეცნიერებათა აკადემიის კ. ზავრიევის სახელობის სამშენებლო მექანიკისა და სეისმომედეგობის ინსტიტუტის მეცნიერ თანამშრომლად; 1990-1991 წწ. ტრესტ "კავგვირაბმშენის" IV სამმართველოს უფროსის მოადგილედ; 1991-1994 წწ. ტრესტ "ექსპომშენის" სამმართველოს უფროსად; 1994-1996 წწ. საქართველოს მშენებლობის სამინისტროს საკონსტრუქტორო-ტექნოლოგიური ცენტრის -  "მშენინდუსტრიის" მთავარ კონსტრუქტორად; 1996-1998 წწ. საქართველოს სოციალური ინვესტიციების ფონდის მთავარ ინჟინრად; 1998-1999 წწ. საქართველოს მუნიციპალური განვითარების ფონდის მთავარ ინჟინრად. 1999 წლიდან არის  ESM-ის თბილისის საბაზო სკოლა-ლიცეუმის დირექტორი. 2014 წლიდან საწარმო "ინდუსტრიის" დირექტორი. ინჟინერ-მშენებელი, მშენებლობის მენეჯერი. ტექნიკის მეცნიერებათა კანდიდატი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.159; საქართველოს მეცნიერებათა ეროვნული  აკადემია: ქართული ენციკლოპედიის ი. აბაშიძის სახელობის მთავარი სამეცნიერო რედაქცია: georgianencyclopedia.ge;  საქართველო: ენციკლოპედია: ტ.5. -თბ.,2023. -გვ. 623

• საერთაშორისო საინჟინრო აკადემია, წევრ-კორესპონდენტი
• საქართველოს საინჟინრო აკადემია, წევრ-კორესპონდენტი

• საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1980-2000 წლებში შესრულებული სამუშაოსათვის - "შენობა-ნაგებობების საიმედოობის ამაღლების კომპლექსური ღონისძიებების კვლევა და რეალიზაცია"