ბასა ფოცხიშვილი

დაბადების ადგილი: ქ. თბილისი.

დაამთავრა თბილისის სახელმწიფო თეატრალური ინსტიტუტის კინოსარეჟისორო ფაკულტეტი (ლ. ღოღობერიძისა და ო. გვასალიას სახელოსნო) 1988 წელს.

1989 წლიდან მუშაობდა კინოსტუდია "ქართულ ფილმში"; 1997 წლიდან მუშაობს რეკლამისა და მუსიკალური ვიდეოს რეჟისურაში; 1999 წლიდან თანამშრომლობს სხვადასხვა ტელეარხებთან; არის თბილისის სახელმწიფო თეატრალური ინსტიტუტის რეჟისურის პედაგოგი, სარეჟისორო სახელოსნოს ხელმძღვანელი; სტუდიის - "სტუდია 123" მფლობელი. გადაღებული აქვს მოკლემეტრაჟიანი მხატვრული ფილმები: "გულივერი" (1987), "დასასრული" (1988); ტელევიზიის I არხის საახალწლო პროექტები: "სადგური 2000" (2000), "გზავნილი XXI საუკუნეში" (2001); მუსიკალური ვიდეო კლიპები: "ვაგონი მიქრის", "Just Try", "რომანსერო", "სიყვარული დაფრინავს", "Passangers", "ზამთარი ერთად გადავაგოროთ"; სარეკლამო რგოლები: მოქალაქეთა კავშირისთვის ("გიხაროდენ"), ახალი მემარჯვენეებისათვის (დოუ-ნანა, "38", "მომე მამული") საარჩევნო კამპანიებისათვისა და ორგანიზაციებისათვის ალდაგი, მაგთი და სხვა. მონაწილეობდა ფესტივალებში: Casino Film Festival (1989), Edinbourg Film Festival, Cotbuss Film Festival, Trieste Film Festival, Berlinale, Berlin Interfilm Festival, Real Venus Film Festival, Московский к/ф "Кино без барьеров", Superfest XXVI, UCTRA EPICA და სხვა. მიღებული აქვს პრიზები საუკეთესო მოკლემეტრაჟიანი ფილმისთვის, სოციალური რეკლამისთვის, მუსიკალური ვიდეო კლიპისთვის. კინორეჟისორი. პოეტ მორის ფოცხიშვილის შვილი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.458