ვინფრიდ ბედერი

დაბადების ადგილი: გერმანია.

სწავლობდა ფრაიბურგისა და ჰამბურგის უნივერსიტეტებში.

1967 წელს გახდა ჰამბურგის უნივერსიტეტის პრივატ-დოცენტი; 1972 წლიდან ოლდენბურგის უნივერსიტეტის პროფესორია.
ჰამბურგში იგი დაინტერესდა ქართული ენით. მისი მასწავლებელი იყო ნიკოლოზ ჯანელიძე, რომელიც ომამდე გორის პედაგოგიურ ინსტიტუტში სწავლობდა; 30-ზე მეტი წელია, იკვლევს ქართული და სხვა ქართველური ენების პრობლემებს; მისი ნაშრომებიდან აღსანიშნავია: "ქცევა ქართულში" (1979), რომელშიც ბევრი სიახლე არის შენიშნული ქართული ზმნის ამ უაღრესად საყურადღებო კატეგორიის შესახებ; "და კავშირის ხმარების შესახებ ძველ ქართულ სალიტერატურო ენაში" (1983), სადაც ყურადღება არის გამახვილებული და კავშირის გამოყენების არაერთ სპეციფიკურ შემთხვევაზე. 1975 წელს ჰამბურგში დაიბეჭდა ვ. ბოედერის საყურადღებო გამოკვლევა "ქართული ანბანის ანალიზისათვის". მან განავითარა ჯერ კიდევ ივანე ჯავახიშვილის მიერ გამოთქმული მოსაზრება ქართული გრაფემების გეომეტრიული პრინციპის მიხედვით აგების შესახებ და იგი საკმაოდ მწყობრ სისტემად წარმოადგინა; სპეციალური გამოკვლევები უძღვნა ქართულის, სვანურის სინტაქსის საკითხებს; არის ტექსტის ლინგვისტიკის ნამდვილი ვირტუოზი. შთამბეჭდავია მისი გამოკვლევები ძველი ქართულის პუნქტუაციური სისტემის, დაქარაგმების წესების შესახებ. გერმანელი მეცნიერი დაინტერესებულია ქართული ხალხური ეპოსის საკითხებით; მსოფლიოში აღიარებული ქართველოლოგია; მისი ძირითადი სპეციალობა ანგლისტიკაა; ასწავლის ინგლისურ ენას, მის ისტორიას, ზოგად ენათმეცნიერებას.
წყარო: ქართული ენა : ენციკლოპედია.-თბ., 2008.-გვ.78; ქართული პრესის ელექტრონული არქივი: www.opentext.org.

• მასალები საენათმეცნიერო ტერმინთა ლექსიკონისათვის (Editor) // ტ.4. - თბილისი, 2013. - 204 გვ.
• მეხუთე საერთაშორისო ქართველოლოგიური სიმპოზიუმის მასალები = Proceedings of the fifth international symposium on kartvelian studies : თბილისი, 2006 წლის 21-24 მაისი (Author). - თბილისი, 2011. - 412გვ.
• ძველი ქართული ენის სიტყვის კონა (Editor). - თბილისი, სეზან, 2001. - 288გვ.