გიორგი ხვადაგიანი

დაბადების ადგილი: ქ. თბილისი.

დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1980 წელს.

1980-1981 წწ. მუშაობდა თბილისის გაერთიანებული სასწრაფო დახმარების კლინიკური საავადმყოფოს ექიმ-ინტერნად; 1981-1984 წწ. ცაგერის რაიონის პოლიკლინიკის ქირურგად; 1984-1986 წწ. საქართველოს ჯანმრთელობის დაცვის სამინისტროს კ. ერისთავის სახელობის ექსპერიმენტული და კლინიკური ქირურგიის ინსტიტუტის ზოგადი ქირურგიის განყოფილების ექიმ-ორდინატორად; 1986-1987 წწ. ამავე განყოფილების ქირურგად; 1987-1988 წწ. თბილისის მე-2 კლინიკური ინფექციური საავადმყოფოს ექიმ-ლაბორანტად; 1988-1990 წწ. საქართველოს ჯანმრთელობის დაცვის სამინისტროს ა. წულუკიძის სახელობის უროლოგიის ინსტიტუტის პოლიკლინიკური განყოფილების ექიმ-უროლოგად, 1990-1993 წწ. ამავე ინსტიტუტის უმცროსი, 1993-1998 წწ. უფროსი, 1998-2001 წწ. წამყვანი მეცნიერი თანამშრომელი, 2001 წლიდან ა. წულუკიძის სახელობის უროლოგიის ეროვნული ცენტრის წამყვანი სპეციალისტი. მედიცინის მეცნიერებათა დოქტორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.183; ალ. წულუკიძის სახელობის უროლოგიის ეროვნული ცენტრი: urologycenter.ge

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  1998-2000 წლებში შესრულებულ შრომათა ციკლისათვის - "შარდის დერივაციისა და ენტეროცისტოპლასტიკის ახალი მიმართულებები - ხელოვნური შარდისბუშტის ფორმირება ნაწლავის დეტუბულირებული სეგმენტით"
• გრიგოლ მუხაძის სახელობის მედალი
  სამამულო ქირურგიის განვითარების საქმეში