იური ჩიქოვანი

დაბადების ადგილი: ქ. ლენინგრადი (ამჟამად - სანქტ-პეტერბურგი).

დამთავრა ილია ჭავჭავაძის სახელობის უცხო ენათა პედაგოგიური ინსტიტუტის ინგლისური და გერმანული ენების სპეციალობით 1962 წელს.

ხანგრძლივი დროის განმავლობაში მუშაობდა პედაგოგიური ინსტიტუტის ინგლისური ენის კათედრაზე უფროს მასწავლებლად; 1984 წლიდან დაინტერესებული იყო გენეალოგიური კვლევებით; მან საფუძველი ჩაუყარა ქართულ ისტორიულ საგვარეულოთა სრულფასოვან, სისტემურ შესწავლას; შეადგინა და გამოსაცემად მოამზადა ასზე მეტი ქართული ისტორიული გვარის გენეალოგიური ნუსხა, სათანადო კომენტარებითურთ; 1999–2003წწ.  საქართველოს პარლამენტის ეროვნული ბიბლიოთეკის გენეალოგიური კვლევების ცენტრის ხელმძღვანელი; 2008-2009წწ. იყო ამავე ბიბლიოთეკის საზოგადოებასთან ურთიერთობისა და კულტურული პროგრამების განყოფილების მიწვეული სპეციალისტი; 2010-2016წწ. საქართველოს ეროვნული არქივის საისტორიო ცენტრალური არქივის შტატგარეშე სპეციალისტი; ავტორია ქართული საგვარეულოების და გენეალოგიის შესახებ 11 წიგნისა და მრავალი სამეცნიერო სტატიისა; პედაგოგობასთან ერთად გახლდათ მოჭადრაკე, საჭადრაკო თეორეტიკოსი, გამოჩენილი მკვლევარ-გენეალოგი; FIDE-ს ოსტატი (1994); საერთაშორისო არბიტრი ჭადრაკში (2002); წლების განმავლობაში იცავდა საქართველოს სპორტულ ღირსებას სხვადასხვა სახის გუნდურ ჩემპიონატებში; თბილისის 4-გზის  ჩემპიონი (1963, 1966, 1977, 1985); 1966 წლიდან მოყოლებული, თითქმის 30 წლის განმავლობაში ჭადრაკში აქტიურ პედაგოგიურ მოღვაწეობას ეწეოდა;  მისი მოსწავლეები იყვნენ ქართველი მოჭადრაკეები: მაია ჩიბურდანიძე, ნინო გურიელი, ზურაბ აზმაიფარაშვილი. მიღებული აქვს მრავალი ჯილდო და მადლობა როგორც ჭადრაკის ფედერაციის, ისე სპორტკომიტეტის მხრიდან. საჭადრაკო თეორეტიკოსი, გენეალოგი.

წყარო: გაზეთ "კვირის პალიტრის" ოფიციალური ვებგვერდი: kvirispalitra.ge; nobility.pro

• "ქართული გენეალოგიური საზოგადოება" , თავმჯდომარე (1995-)
• საერთაშორისო გენეალოგიური აკადემია (საფრანგეთი), ნამდვილი წევრი (2004-)
• საქართველოს თავადაზნაურთა საკრებულო, მთავარი გენეალოგი
• საქართველოს თავადაზნაურთა საკრებულო, ვიცე-წინამძღოლი

• 2002 - საერთაშორისო არბიტრი ჭადრაკში
• 1979 - საქართველოს დამსახურებული მწვრთნელი
• 1976 - საქართველოს ჩემპიონი
• 1974 - ვახტანგ ქარსელაძის მემორიალის გამარჯვებული
• 1966 - სსრკ სპორტის ოსტატი

• ოდიშის (სამეგრელოს) სამთავროს თავადთა და აზნაურთა ოჯახები : სამეგრელოს თავადთა და აზნაურთა ღირსებების მქონედ აღიარებულ პირთა სახელდებითი საოჯახო სიები (თანაავტორი). - თბილისი, არტანუჯი, 2013. - 384გვ.
• I. მიქელაძეთა საგვარეულო ; II. მხეიძეთა საგვარეულოები : ისტორიულ-გენეალოგიური გამოკვლევა (ავტორი). - თბილისი, 2005. - 221 გვ.
• ჩხეიძეთა საგვარეულო : ისტ.-გენეალ. გამოკვლევა (ავტორი). - თბილისი, 2004. - 144გვ.
• თავადი ჭავჭავაძეები : ისტ. ნარკვევი (ავტორი). - თბილისი, არტანუჯი, 2002. - 64გვ.