ილია ყიფშიძე

დაბადების ადგილი: სოფელი სოღოლაშენი, გორის მაზრა.

დაამთავრა რაინ-ვესტფალიის უმაღლესი ტექნიკური სკოლა 1908 წელს ქ. აახენში.

1919 წელს მიიწვიეს თბილისის უნივერსიტეტში გერმანული ენის მასწავლებლად, ხოლო 1919 წლის 29 ნოემბერს უნივერისტეტის პროფესორთა საბჭომ, სამათემატიკო-საბუნებისმეტყველო ფაკულტეტის შუამდგომლობით, მინერალოგიის კათედრის ასისტენტად დაამტკიცა. 1928-1938წწ. მუშაობდა საქართველოს პოლიტექნიკურ ინსტიტუტში. მან, ა. თვალჭრელიძესთან ერთად, საფუძველი ჩაუყარა კრისტალოგრაფიისა და მინერალოგიის სწავლებას თბილისის სახელმწიფო უნივერსიტეტსა და პოლიტექნიკურ ინსტიტუტში. მისი შრომებიდან აღსანიშნავია "გეომეტრიული კრისტალოგრაფია"(1935) და მინერალოგიის პირველი სახელმძღვანელო (1938), რომლის თანაავტორებიც არიან გ. გვახარია და გ. ძოწენიძე. საქართველოში გეოლოგიური განათლების ერთ-ერთი ფუძემდებელი.

წყარო: საქართველოს დემოკრატიული რესპუბლიკა (1918-1921): ენციკლოპედია -ლექსიკონი. -თბ., 2018.-გვ.471

• გეომეტრიული კრისტალოგრაფიის პროგრამა : ბიოლოგიური განყოფილების სტუდენტებისათვის (ავტორი). - ტფილისი, სსსრ. განათლების სახალხო კომისარიატი. დაუსწრებელი პედინსტიტუტი. , 1934. - 8გვ.