რომან ფიფია

დაბადების ადგილი: ქ. გაგრა. 

დაამთავრა მოსკოვის მომხმარებელთა კორპორაციის ინსტიტუტი 1996 წელს.

პროფესიული და ბიზნეს გამოცდილება საქმიანი და პროფესიული კარიერა რუსეთის ფედერაციაში დიწყო; 1996 წელს სარატოვის ლიქიორის და არყის გამომხდელი ქარხნების გაერთიანების გენერალური დირექტორი; ჩართული იყო სოფლის მეურნეობის ბიზნესშიც, სასოფლო სამეურნეო ინფრასტრუქტურის განვითარებასა და სასოფლო სამეურნეო კომპანიების დაფინანსებაში: 2001 წელს სათავეში ჩაუდგა რეგიონალურ სასურსათო კომპანია "ზერნო პოვოლჟიას"; 2002 წლიდან კორპორაცია "აგროროსის" ხელმძღვანელი გახდა, რომლის საქმიანობაც ხორბლის შენახვასა და ფქვილის დაფქვას მოიცავდა; 2007 წლიდან ბიზნეს საქმიანობა საქართველოში გააფართოვა და რამდენიმე მიმზიდველი ბიზნეს-პროექტი განახორციელა. ("ლოიალ კაპიტალ გრუპი"; ჰაიატ რიჯენსი; შპს "რუსთავის აზოტი"; "დინამო თბილისის" რეორგანიზაცია.);  აქტიურად ეწეოდა საქველმოქმედო საქმიანობას როგორც სარატოვში, ასევე საქართველოში: გაჭირვებული და მრავალშვილიანი ოჯახების დასახმარებლად ოთხწლიანი პროგრამა შეიმუშავა, რომლის ფარგლებშიც ოჯახებს უფასოდ მიეწოდებოდათ პური; პროგრამის ბიუჯეტმა 23 მილიონ რუბლს გადააჭარბა; 1997-2001წწ. იკავებდა საფეხბურთო კლუბ "სოკოლის" პრეზიდენტის პოსტს; სპორტისა და ჯანსაღი ცხოვრების განვითარებისა და პოპულარიზაციისთვის მისი მეშვეობით რამდენიმე მნიშვნელოვანი საქველმოქმედო და სოციალური პროექტი განხორციელდა, წლების მანძილზე ქართველი ბიზნესმენი საქართველოს მორაგბეთა ეროვნულ გუნდს ფინანსურ მხარდაჭერას უცხადებდა; 2011 წლის იანვარში შეიძინა თბილისის "დინამო" და მისი მოსვლის პირველივე დღიდან დაიწყო კლუბის სრული მოდერნიზაცია; იმავე წელს ქართველმა ბიზნესმენმა ანდრო ჟორდანიას სახელობის საწვრთნელ ბაზაზე დიდი მოცულობის სამუშაო ჩაატარა და ინფრასტრუქტურა ევროპული დონის და შესაბამისი სტანდარტების მიხედვით განაახლა, ასევე განხორციელდა დიღმის საწვრთნელი ბაზის რეკონსტრუქცია; "დინამოს" საწვრთნელი ბაზა დღეს ერთ-ერთი საუკეთესოა რეგიონში; დინამო არენაზე ჩატარდა სარეკონსტრუქციო სამუშაოები, მოწესრიგდა ფიფა-უეფა-ს სტანდარტების შესაბამისად, შედეგად კი უეფა-ს სუპერთასის მასპინძლობა საქართველოსთვის რეალური გახდა; 2013 წელს სლოგანით "მომავალი იწყება აქ!" მორიგი გრანდიოზული სოციალური პროექტი განახორციელა; ქართული ფეხბურთის განვითარებისთვის, მომავალი თაობის აღსაზრდელად და ჯანსაღი ცხოვრების პოპულარიზაციისთვის გახსნა "დინამოს" საფეხბურთო აკადემია, რომელსაც გამოჩენილი ქართველი ფეხბურთელის, ვიტალი დარასელიას სახელი მიენიჭა; აკადემია მისი ყველაზე დიდი საფეხბურთო პროექტია; მსგავსი აკადემია საქართველოში უპრეცენდენტოა; იგი დონით და ხარისხით ევროპულ ქვეყნებში თავის ანალოგებს უტოლდება; ჯგუფ "ლოიალ კაპიტალ გრუპის" დამფუძნებელი და თბილისის "დინამოს" პრეზიდენტი; ეკონომიკის მეცნიერებათა კანდიდატი (1999).

წყარო: "დინამოს" ოფიციალური საიტი - fcdinamo.ge