გიორგი აბრამიშვილი

დაბადების ადგილი: ქ. საჩხერე.

დაამთავრა საქართველოს პოლიტექნიკური ინსტიტუტის ავტომექანიკური ფაკულტეტი საავტომობილი ტრანსპორტის სპეციალობით 1973 წელს.

1973-1975 წწ. იმყოფებოდა სამხედრო სამსახურში საავტოტრაქტორო სამსახურის უფროსად ნოვო-ბელოკოროვიჩში (უკრაინა); 1975-1976 წწ. მუშაობდა საქართველოს საავტომობილო ტრანსპორტის სამინისტროს საწარმოო-ტექნიკურ გაერთიანება "ავტოტრანსტექნიკაში" ინჟინრად, 1976-1977 წწ. საქართველოს პოლიტექნიკური ინსტიტუტის სამეურნეო-სახელშეკრულებო თემის უფროს ინჟინრად; 1977-1981 წწ. ამავე ინსტიტუტის შიგაწვის ძრავების კათედრის ლაბორატორიის გამგე; 1981-1985 წწ. ინსტიტუტის ავტომობილების, შიგაწვის ძრავებისა და საწვავ-საცხი მასალების კათედრის უფროსი მასწავლებელი; 1989-1998 წწ. ამავე კათედრის დოცენტი; 1998-2004 წწ. საქართველოს ტექნიკური უნივერსიტეტის საავტომობილო ტრანსპორტის კათედრის დოცენტი; 2004 წლიდან ამავე კათედრის პროფესორი; 1991 წლიდან იგი შეთავსებით მუშაობს საქართველოს ტექნიკური უნივერსიტეტის სატრანსპორტო ფაკულტეტის საავტომობილო ტრანსპორტის განყოფილების გამგედ. გამოქვეყნებული აქვს 60-ზე მეტი სამეცნიერო ნაშრომი, მათ შორის 2 მონოგრაფია, 7 გამოგონება. ტექნიკის მეცნიერებათა დოქტორი, პროფესორი.

წყარო: საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წწ. . -თბ., 2012.-გვ.201; საქართველოს ტექნიკური უნივერსიტეტის ვებგვერდი: gtu.ge

• 2004 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  2000 წელს რუსულ ენაზე გამოცემული მონოგრაფიისათვის - "ავტომობილების ხანგამძლეობის, ეკონომიურობისა და ეკოლოგიურობის ამაღლება ახალი თაობის ზეთების დამუშავებითა და გამოყენებით"