ალექსანდრე ჩიკვაშვილი

დაბადების ადგილი: ქ. თბილისი.

1960 წელს შევიდა მოსკოვის I სამედიცინო ინსტიტუტში, ხოლო დაამთავრა თბილისის სახელმწიფო სამედიცინო ინსტიტუტის სამკურნალო ფაკულტეტი 1966 წელს.

1967-1977 წწ. იყო საქართველოს ჯანდაცვის სამინისტროს სამედიცინო რადიოლოგიის კვლევითი ინსტიტუტის სწავლული მდივანი და მეცნიერ-თანამშრომელი; 1977-2004 წწ. საქართველოს ონკოლოგიის სამეცნიერო კვლევითი ინსტიტუტის სწავლული მდივანი და მეცნიერ-თანამშრომელი. 2004-2012 წწ. საქართველოს ონკოლოგიის ნაციონალური ცენტრის პროფ. რ. ვეფხვაძის სახელობის რადიაციული ონკოლოგიის დეპარტამენტის ხელმძღვანელი; სამეცნიერო ჟურნალების: "საქართველოს ონკოლოგიის" და "რენტგენოლოგიისა და რადიოლოგიის" სარედაქციო კოლეგიის წევრი; ფანასკერტელის სახელობის უნივერსიტეტის ასოცირებული პროფესორი, სამედიცინო ინსტიტუტის რადიაციული ონკოლოგიის რეზიდენტურის კურატორი. ავტორი და თანაავტორია 100-მდე სამეცნიერო ნაშრომის; საერთაშორისო ატომური ენერგიის სააგენტოს (I) ექსპერტი; მოსკოვის (2003), ამსტერდამის (2004), გერმანიის (2004), ერევნის (2004), ანკარის (2005) საერთაშორისო სიმპოზიუმებისა და ფორუმების მონაწილე. მედიცინის აკადემიური დოქტორი.

საკანდიდატო დისერტაციის თემა - "ლიმფოგრანულომატოზით დაავადებული პაციენტების ენდოკრინული სისტემის ფუნქციონალური მდგომარეობა", დაიცვა 1972 წელს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.520; გაზ. საქართველოს რესპუბლიკა. - თბ., 2012. - 19 სექტემბერი. - N179 (7055). - გვ.11

• ნიუ-იორკის სამეცნიერო აკადემია, წევრი
• საქართველოს ონკოლოგთა ასოციაცია, წევრი
• საქართველოს რადიაციულ ონკოლოგთა ასოციაცია, პრეზიდენტი

• 2003 - ღირსების ორდენი
  ონკოლოგიის განვითარებაში შეტანილი ღვაწლისათვის