ნინო ჩინჩალაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1973 წელს.

1973-1988წწ. იყო საქართველოს მეცნიერებათა აკადემიის ივ. ჯავახიშვილის სახელობის ისტორიისა და ეთნოგრაფიის ინსტიტუტის კავკასიის ეთნოგრაფიის განყოფილების უმცროსი მეცნიერ-თანამშრომელი; 1988-1996წწ. უფროსი მეცნიერ-თანამშრომელი; 1994-1995წწ. ფონდის "ღია საზოგადოება საქართველო" განათლების პროგრამების კოორდინატორი; 1995-1998წწ. საერთაშორისო განათლების საკონსულტაციო ცენტრის დირექტორი, 1998-2006წწ. აღმასრულებელი დირექტორის მოადგილე; 2006 წლიდან "საერთაშორისო განათლების ცენტრის" აღმასრულებელი დირექტორი. არის ამერიკული ორგანიზაცია NAFSA-ს წევრი და მისი კონფერენციების სისტემატური მონაწილე, გავლილი აქვს სპეციალური კურსი საერთაშორისო განათლების კონსულტანტებისათვის კოლუმბიის უნივერსიტეტში. გამოქვეყნებული აქვს 18 სტატია, მათ შორის ორი უცხოურ პერიოდიკაში. ათასწლეულის გამოწვევის ფონდი - საქართველოს სამეთვალყურეო საბჭოს წევრი, განათლების ექსპერტი.  

საკანდიდატო დისერტაციის თემა - "დაკვირვება და ინტერვიუ, როგორც საველე ეთნოგრაფიული მუშაობის მეთოდები", დაიცვა (ლელინგრადი) 1988 წელს.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.521; ათასწლეულის გამოწვევის ფონდი - საქართველო: mcageorgia.ge