გაგა ჩხეიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი 1976 წელს; იენის ფრიდრიხ შილერის სახ. უნივერსიტეტის ლიტერატურისა და ხელოვნებათმცოდნეობის ფაკულტეტი 1980 წელს; ნიპკოს სახელობის ევროპული სტიპენდიის სტიპენდიანტი კინომენეჯმენტის განხრით (ბერლინი, 1995-1996).

1980-1984 წწ. საქართველოს ტელევიზიისა და რადიოს სახელმწიფო კომიტეტის ტელეთეატრის, შემდეგ ლიტერატურული პროგრამებისა და რადიოს ახალგაზრდული პროგრამების რედაქციის რედაქტორი; 1984-1985 წწ. თბილისის 46-ე (გერმანული) სკოლის დირექტორის მოადგილე; 1985-1988 წწ. ილია ჭავჭავაძის სახელობის უცხო ენების ინსტიტუტის ლექტორი; 1988-1991 წწ. თბილისის სახელმწიფო უნივერსიტეტის დასავლეთევროპული და ამერიკული ლიტერატურების შემსწავლელი ლაბორატორიის მეცნიერ-თანამშრომელი; 1991-2000 წწ.  ორგანიზაცია "არსენალი - კინოსა და ვიდეოხელოვნების ინსტიტუტის" (ბერლინი) მენეჯერი, კონსულტანტი და მთარგმნელი; 2000-2016 წწ. თბილისის საერთაშორისო კინოფესტივალის ხელმძღვანელი; 2005-2008 წწ. საქართველოს კინემატოგრაფიის ეროვნული ცენტრის დირექტორი; 2005-2010 წწ. და 2013-2016 წწ. ქართული ფილმის განვითარების ფონდის გამგეობის წევრი; 2019 წლიდან საქართველოს კინემატოგრაფიის ეროვნული ცენტრის ხელმძღვანელი.

წყარო: ვინ ვინ არის საქართველოში: ქართული ბიოგრაფიული ცნობარი. –  თბ., 2006.-გვ.530; mcs.gov.ge; reginfo.ge