გიგო ბასილაშვილი

დაბადების ადგილი: სოფელი ნორიო, გარეკახეთი (ახლანდელი გარდაბნის რაიონი).

ანბანი და წერა-კითხვა თავისით შეისწავლა, მუშაობდა ზეინკლად. მუშა-ხელოსანთა შორის განმათავისუფლებელ-რევოლუციურ აზრებს ავრცელებდა. წერდა ხელნაწერ ჟურნალში: "მუშა", "ნორიელი სლესარი"-ის ფსევდონიმით, რომელიც პირველად თბილისში, 1887 წელს გამოვიდა. ჟურნალის კომპლექტი ინახება ლონდონის მუზეუმში. პოლიტიკური მუშაობისათვის მეფის მთავრობამ ციმბირში გადაასახლა. ს. ხუნდაძის წიგნში "სოციალიზმის ისტორიისათვის საქართველოში", 113-ე გვერდზე გ. ბასილაშვილი შეცდომით მასალაშვილადაა მოხსენიებული.

წყარო: ქართველ მოღვაწეთა ლექსიკონი:1801-1952: ტ.I./იოსებ იმედაშვილი -თბ.,2018.-გვ.316

• სამი მებრძოლი : რომანი (ავტორი). - ბათუმი, აჭარის სახელგამი, (აჭარის ადგილობრივ მრეწველობის სახალხო კომისარიატის სტამბა-ლითოგრაფია), 1939. - 133გვ.