ქართლოს ღარიბაშვილი

დაბადების ადგილი: სოფელი ბოგვი (ახლანდელი სოფ. ჯორჯიაშვილი), თეთრიწყაროს მუნიციპალიტეტი. 
დაამთავრა მოსკოვის ლომონოსოვის სახელობის სახელმწიფო უნივერსიტეტის იურიდიული ფაკულტეტი 1976 წელს და ამავე უნივერსიტეტის ასპირანტურა.

1976–1983წწ. პედაგოგიურ საქმიანობას ეწეოდა ლომონოსოვის უნივერსიტეტში და მეცნიერ-თანამშრომლად მუშაობდა მოსკოვის კანონმდებლობის საკავშირო კვლევით ინსტიტუტში; 1984 წელს დაბრუნდა საქართველოში და 1989 წელს ჩაერთო აქტიურ პოლიტიკაში; 1992–1995წწ. საქართველოს მე-3 მოწვევის პარლამენტის წევრი, საარჩევნო ბლოკი: "დემოკრატიული პარტია", საარჩევნო ფორმა: პარტიული სიით; 1995 წელს მონაწილეობდა საქართველოს კონსტიტუციის შემუშავებაში; იყო ოჯახის ადვოკატის ინსტიტუტის ფუძემდებელი; მონაწილეობდა საქართველოს საპრეზიდენტო 1995, 2000, 2004 და 2013 წლების არჩევნებში; სოფელ ბოგვში ძველი ეკლესიის ნანგრევებზე საკუთარი სახსრებით ააშენა წმინდა გიორგის ეკლესია; მის სახელს უკავშირდება ამავე სოფლის კიდევ ორი ეკლესიის აღდგენა; სოფლის იმ უბანს სადაც პოლიტიკური მოღვაწე გაიზარდა ქართლოს ღარიბაშვილის ქუჩა ეწოდა. იურიდიულ მეცნიერებათა კანდიდატი.

საკანდიდატო დისერტაციის თემა - "ბურჟუაზიული ქვეყნების კონსტიტუციური სამართალი".

წყარო: საქართველოს პარლამენტის წევრები 1990-2015/ კობა ამირხანაშვილი.- თბ.,2015.-გვ. 344; saxelebi7.blogspot.com; საქართველოს პარლამენტის პარლამენტის წევრი: parliament.ge

• საქართველოს მე-3 მოწვევის პარლამენტი, წევრი (1992-1995)
• საქართველოს მე-3 მოწვევის პარლამენტი ფრაქცია "დემოკრატები", ფრაქციის თავმჯდომარე (1993-1995)
• საქართველოს მე-3 მოწვევის პარლამენტის იურიდიული კომისია , წევრი (1993-1995)
• საქართველოს მე-3 მოწვევის პარლამენტის სახელმწიფო საკონსტიტუციო კომისია, წევრი (1993-1995)