სევერიან ბახტაძე

1912 წელს ქუთაისში გამოსცა ალმანახი "გაზაფხული" - საგაზეთო წერილების კრებული სილ. ხუნდაძის, ჯ. ჯორჯიკიას, აკ. პაპავას, ს. ჩიხლაძის, მ. უზნაძის და სხვათა ნაწერებით (ლექსები, მინიატურები, იუმორისტიკა). 1915-1916 წწ. მისი რედაქტორობით გამოდიოდა ყოველკვირეული (1916 წლიდან ყოველდღიური) პოლიტიკურ-ლიტერატურული გაზეთი "ახალი კვალი", რომელიც 1915 წელს მთავრობის განკარგულებით დაიხურა. განახლდა 1916 წლის 7 მარტიდან - მე-13 ნომრიდან (ამის შესახებ: ჩვენი პასუხი//"ახალი კვალი", 1916, №24; "სამშობლო", 1915, №72). 1936 წელს, თბილისში სევერიან ბახტაძის რედაქტორობით გამოდიოდა რევოლუციის მებრძოლთა დამხმარე საერთაშორისო საზოგადოების საქართველოს ცენტრალური და თბილისის საოლქო კომიტეტების ყოველთვიური ორგანო "რემედასი", რომელიც 1925 წელს დაარსდა. მისი რედაქტორობით 1936 წელს სულ 8 ნომერი გამოვიდა, უმთავრესად - საერთაშორისო რევოლუციური მოძრაობის შესახებ წერილებით და ცნობებით.

წყარო: ქართველ მოღვაწეთა ლექსიკონი:1801-1952: ტ.I/იოსებ იმედაშვილი -თბ., 2018. -გვ.338