იონა ბელიაშვილი

დაბადების ადგილი: სოფელი თლუღი, ამბროლაურის რაიონი.

დაამთავრა ქუთაისის სამეურნეო სასწავლებელი, სადაც ხელმძღვანელობდა ხელნაწერ ჟურნალ "მუშაკს". მუშაობდა ჭიათურის მაღაროებში შტეიგერად, აქვე ჩაება პოლიტიკურ მოძრაობაში. ხალხური ენით, მხატვრული ხერხით ამხელდა, რომ ვიდრე თვითმპყრობლობა და მისი ზედაფენა "გულმყრალაძეები" არსებობენ, მშრომელი ხალხი ვერ მოისვენებს, მთავრობის მხრიდან მათი ოჯახი მუდამ აფორიაქებული იქნებაო. მისი შვილია მწერალი აკაკი ბელიაშვილი.

წყარო: ქართველ მოღვაწეთა ლექსიკონი:1801-1952: ტ.I/იოსებ იმედაშვილი -თბ.,2018.-გვ.352