გივი კოხრეიძე

დაბადების ადგილი: სოფელი დიდი ჯიხაიში, სამტრედიის რაიონი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი ინჟინერ-ელექტრიკოსის კვალიფიკაციით 1969 წელს.

შრომითი საქმიანობა დაიწყო 1963 წელს ბათუმის ნავთობგადასატვირთი ბაზის ელექტრომომარაგების განყოფილების ელექტრომონტიორად; 1969-1979წწ. იყო ზოგადი და თეორიული ელექტროტექნიკის კათედრის ასისტენტი და ენერგეტიკის ფაკულტეტის სტუდენტური სამეცნიერო საბჭოს თვმჯდომარე; 1976 წელს დაიცვა დისერტაცია ტექნიკურ მეცნიერებათა კანდიდატის სამეცნიერო ხარისხის მოსაპოვებლად; 1979 წელს არჩეული იქნა დოცენტად; 1979-1998წწ. - ენერგეტიკის ფაკულტეტის დეკანის მოადგილე სასწავლო დარგში, ენერგეტიკის ინსტიტუტის დირექტორის მოადგილე სასწავლო დარგში; 1997 წლიდან - საქართველოს ტექნიკური უნივერსიტეტის ელექტროენერგეტიკის სამეცნიერო-საინჟინრო ცენტრის დირექტორის მოადგილე; 1998-2005წწ. - სს "საქართველოს სახელმწიფო ელექტროსისტემის" რემონტების სამსახურის უფროსი, ელექტროენერგიის დანაკარგების სამსახურის უფროსი, სადისპეჩერო კარგვების მენეჯმენტის ხელმძღვანელი; შეთავსებით საქართველოს ტექნიკური უნივერსიტეტის დოცენტი; 2005-2009წწ. საქართველოს ტექნიკური უნივერსიტეტის და ვ. გორგასლის სახელობის უნივერსიტეტების ასოცირებული პროფესორი; 2013-2017წწ. - საქართველოს ტექნიკური უნივერსიტეტის ენერგეტიკისსა და ტელეკომუნიკაციის ფაკულტეტის სრული პროფესორი; 2015-2023წწ. - სს "საქართველოს რკინიგზის ელექტრომომარაგების დეპარტამენტის ტექნიკური განვითარების ცენტრის უფროსის მოადგილე; 2024 წლიდან სამეცნიერო-ტექნიკური ჟურნალის "ენერგია"-ს სარედაქციო კოლეგიის წევრია; ხელმძღვანელობს დოქტორანტების და მაგისტრანტების სამეცნიერო სამუშაოებს; არის 200-ზე მეტი სამეცნიერო შრომის, მათ შორის 100 ზე მეტი სამეცნიერო სტატიის, გამოგონების, მონოგრაფიის, სახელმძღვანელოს, მეთოდური მითითებების ავტორი; 80-მდე საერთაშორისო სამეცნიერო კონფერენციის, სიმპოზიუმისა და ფორუმის მონაწილე; 2000 წელს მონაწილეობდა აშშ-ში ენერგეტიკის მსოფლიო ფორუმზე. ენერგეტიკოს გოჩა კოხრეიძის მამა. ტექნიკურ მეცნიერებათა აკადემიური დოქტორი (2005), საქართველოს ტექნიკური უნივერსიტეტის დამსახურებული პროფესორ-ემერიტუსი (2017).

წყარო: საქართველოს ენერგეტიკოსები=Georgian Power Engineers: ენციკლოპედია.- თბილისი, 2016.- გვ.180

• საქართველოს ენერგეტიკის აკადემია, ნამდვილი წევრი (1994-)
• საქართველოს საინჟინრო აკადემია, ნამდვილი წევრი - აკადემიკოსი (2024-)

• საანგარიშო-გრაფიკული სამუშაოები ელექტროტექნიკის თეორიულ საფუძვლებში : დამხმარე სახელმძღვანელო (ავტორი) // ნაწ. 1 . - თბილისი, ტექნ. უნ-ტის გამ-ბა, 1997. - 96გვ.
• ლაბორატორიული სამუშაოები ელექტროტექნიკასა და ელექტრონიკის საფუძვლებში : მეთოდური მითითებები (შემდგენელი) // ნაწ. 2. - თბილისი, 1985. - 89გვ.