აბდულ მიქელაძე

დაბადების ადგილი: სოფელი ძენწმანი, ქედის რაიონი.

მოღვაწეობდა აჭარის რუსეთთან შეერთების შემდგომ პერიოდში, როცა გამწვავდა სოციალ-პოლიტიკური ბრძოლა პროგრესულ - საქართველოს ორიენტაციის მომხრეთა და ოსმალოფილ რეაქციონერებს შორის. იგი მოითხოვდა აჭარაში ქართული სკოლის გახსნას. გვიან შეისწავლა ქართული წერა - კითხვა პეტრე უმიკაშვილისა და ზაქარია ჭიჭინაძის დახმარებით და შემდეგ თვითონ ასწავლიდა აჭარლებს. იყო გაზეთ "ივერიის" კორესპონდენტი. ახლო ურთიერთობა ჰქონდა ქართველ საზოგადო მოღვაწეებთან: ილია ჭავჭავაძესთან, პეტრე უმიკაშვილთან, ზაქარია ჭიჭინაძესთან. სამკურნალო ბალახებით ამზადებდა წამლებს (ქართული კარაბადინის მიხედვით) და მოსახლეობას უფასოდ ურიგებდა. ქართველი საზოგადო მოღვაწე. 

წყარო: ქართული საბჭოთა ენციკლოპედია: ტ.7.-თბ., 1984.-გვ.27; აჭარის ტელევიზია: ajaratv.ge