მარიამ თავამაიშვილი

დაიბადების ადგილი: ქ. თბილისი. 

დაამთავრა მოსკოვის მ. ლომონოსოვის სახელობის სახელმწიფო უნივერსიტეტის ჟურნალისტიკის და ხელოვნებათმცოდნეობის ფაკულტეტები.   

1980-2006წწ. იმუშავა თბილისის ივანე ჯავახიშვილის სახელობის სახელმწიფო უნივერსიტეტში;1994-2006წწ. კითხულობდა ლექციებს ჟურნალისტიკის ფაკულტეტზე თბილისის ივანე ჯავახიშვილის სახელობის სახელმწიფო უნივერსიტეტში; 1996 წლიდან  ხელმძღვანელობდა თბილისის ივანე ჯავახიშვილის სახელობის სახელმწიფო უნივერსიტეტში ჟურნალისტიკის სამეცნიერო-კვლევით ლაბორატორიას; არის ორმოცდაათამდე სამეცნიერო- კვლევითი ნაშრომის ავტორი, რომლებიც გამოქვეყნებულია თბილისისა და მოსკოვის სახელმწიფო უნივერსიტეტების სამეცნიერო- კვლევით ჟურნალებში. მათ შორისაა მონოგრაფია - "არჩილ ჯორჯაძის პუბლიცისტური არგუმენტაცია", სადაც არჩილ ჯორჯაძის პუბლიცისტიკის გაშუქების ფონზე ახლებურადაა განხილული და წარმოჩენილი პუბლიცისტური არგუმენტაციის სტრუქტურული და სხვა დამახასიათებელი ელემენტები; 2006 წელს დაარსა მაია გუნიასთან ერთად სამენოვანი (ქართულ- რუსულ- ინგლისური) შემეცნებით-გასართობი ჟურნალი - "ხედი" და მუშაობდა ამ ჟურნალის მთავარ რედაქტორად; 2008 წელს გახდა ლიტერატურული ჟურნალის "საბა/ლიტერატურულის/" რედაქტორ - გამომცემელი; 2010 წელს მარიამ თავამაიშვილმა და მაია გუნიამ შექმნეს  სასწავლო კურსი ინტეგრირებული გაკვეთილებისა /ხელოვნებათმცოდნეობა და ინგლისური ენა/ საშუალო სკოლის მეოთხებ- მეშვიდე კლასის მოსწავლეთათვის და ამ კურსის შესაბამისად ასწავლიდნენ სკოლის მოსწავლეებს; 1993 წელს დაიცვა საკანდიდატო დისერტაცია და მიენიჭა ფილოლოგიის მეცნიერებათა კანდიდადის სამეცნიერო ხარისხი; 2013 წელს მარიამ თავამაიშვილმა და მაია გუნიამ დაარსეს თბილისის ფრიდერიკ (კვლევის შედეგად დადგინდა, რომ ქართულად  სწორი ფორმაა ფრიდერიკი და არა ფრედერიკი) შოპენის საზოგადოება და დღემდე უძღვებიან მას; მან ახლებური ინტერპრეტაციით წარმოადგინა  შოპენის ცხოვრება და  შემოქმედება, რითაც უფრო თვალნათლივ გამოვლინდა საქართველოს, პოლონეთისა და საფრანგეთის კულტურულ ურთიერთობათა სიახლოვე და საერთო იდეალები; სამშობლოს სიყვარულისა და თავისუფლებისაკენ სწრაფვის მსგავსება.

• თბილისის ფრიდერიკ შოპენის საზოგადოება, დამაარსებელი (2013-)

• პოეზია მუსიკის გულია: შოპენის ბოლერო : Poetry is the heart of musik : The bolero of Chopin (ავტორი). - თბილისი, 2017. - 52გვ.
• შოპენის ტარანტელა (ავტორი). - თბილისი, თბილისის ფრიდერიკ შოპენის საზ-ბა, 2017. - 24გვ
• ალუბლის ბაღი : ლექსები (ავტორი). - თბილისი, თბილისის ფრიდერიკ შოპენის საზ-ბა, 2014. - 124გვ.
• არჩილ ჯორჯაძის პუბლიცისტური არგუმენტაცია (ავტორი). - თბილისი, თბილ. უნ-ტის გამ-ბა, 1993. - 144გვ.