კონდრატი გაბიჩვაძე

დაბადების ადგილი: სოფელი ჩორჯო, ხვანჭკარის თემი, ამბროლაურის რაიონი.

დაამთავრა ქუთაისის სასულიერო სასწავლებელი (1891), სასოფლო-სამეურნეო სკოლა (1897) და იალტის უმაღლესი მეურნეობის კურსები (1902).

ქუთაისის სასოფლო-სამეურნეო სკოლაში სწავლისას (1891-1897) მიხა ცხაკაიას ხელმძღვანელობით, მონაწილეობდა "მესამე დასელთა" წრეში, იმავე დროს რედაქტორობდა მოწაფეთა ხელნაწერ ჟურნალ "ნორჩ მეურნეს"- ზემოურის ფსევდონიმით. 1898-1900 წლებში გურიის სოფლებში მუშაობდა მასწავლებლად, 1903 წლიდან კი საუფლისწულო და სახალხო მამულებში მეღვინედ, რაიონის აგრონომად და სხვ. 1908-1915 წლებში იყო მიწათმოქმედების სამინისტროს სასოფლო ეკონომიკისა და სასოფლო მეურნეობის სტატისტიკის  განყოფილების მუდმივი კორესპონდენტი, შემდეგ საკავშირო ხარისხის ინსპექტორი. სამწერლო ასპარეზზე გამოვიდა 1899 წლიდან ("ჯეჯილი" №3,4,5). წერდა სოფლის მეურნეობის შესახებ, უმთავრესად მეღვინეობაზე. კომპოზიტორ რევაზ გაბიჩვაძის მამა. მეღვინე, აგრონომი.

წყარო: ქართველ მოღვაწეთა ლექსიკონი:1801-1952: ტ.I . ა-დ/იოსებ იმედაშვილი.-თბ.,2018.-გვ.460