დავით ნასარიძე

დაბადების ადგილი: სოფელი ზედა შავრა, რაჭის მაზრა.

1905-1907წწ. რევოლუციის დროს მონაწილეობდა თბილისის ტრამვაის მუშათა პოლიტიკურ გაფიცვებში. რევოლუციური მოღვაწეობისათვის არაერთხელ დააპატიმრეს და გადაასახლეს. 1917 წლის თებერვლის რევოლუციის შემდეგ აირჩიეს ტრაპიზონის მუშათა და ჯარისკაცთა დეპუტატების საბჭოს თავმჯდომარის მოადგილედ, შემდეგ - ამავე ქალაქის ბოლშევიკური კომიტეტის შემადგენლობაში. იყო ტრაპიზონის სამხედრო რევკომის თავმჯდომარე. 1918-1920წწ. პარტიულ მუშაობას განაგრძობდა რაჭის მაზრაში. 1921 წელს იყო თბილისის რევკომის პრეზიდიუმის წევრი, შემდეგ - საქართველოს კომპარტიის რაჭის სამაზრო კომიტეტის პ/მ მდივანი; საქართველოს სსრ რევოლუციური ტრიბუნალის წევრი და სხვ. რევოლუციური მოძრაობის მონაწილე ამიერკავკასიაში. 

წყარო: ქართული საბჭოთა ენციკლოპედია: ტ.7.-თბ., 1984.-გვ.324; საქართველოს ოკუპაცია: image.slidesharecdn.com

• კომუნისტური პარტია, წევრი (1903-)