მაკარი ბურჭულაძე

დაბადების ადგილი: სოფელი სამება, ჩოხატაურის რაიონი.

1918 წელს, თბილისის გიმნაზიის დამთავრების შემდეგ, სწავლა მოსკოვის უნივერსიტეტში იურიდიულ ფაკულტეტზე განაგრძო, მაგრამ არ დაუმთავრებია.

1921 წელს სამშობლოში დაბრუნდა, საარტილერიო ნაწილში ჩაირიცხა და მტერს კოჯორთან დახვდა. სამშობლოსათვის თავდადებული დიდი პატივით დაკრძალეს. მადლიერმა თანასოფლელებმა გმირს სამმეტრიანი ობელისკიც დაადგეს, რომლის პატარა საცავში, როგორც რელიქვია, შეინახეს იუნკერის სისხლიანი ტანსაცმელი, წერილები და დედის ნატყვიარი ფოტოსურათი. მარმარილოს მემორიალურ დაფაზე კი შემდეგი წარწერა ამოტვიფრეს: "1899 / 5 / I - 1921 / 24 / II. აქ განისვენებს სტუდენტი მაკარ სოლომონის ძე ბურჭულაძე, რომელიც გმირულად დაეცა ბრძოლის ველზე კოჯორი-ტაბახმელას მიმართულებით სამშობლოს თავისუფლებისათვის ბრძოლაში. დაუვიწყარი იქნება მისი სახელი". მაშინ სოფლის სასაფლაოზე წმინდა სამების სახელობის ძველი ტაძარი იდგა. იგი მის გვერდით დაკრძალეს და ობელისკიც აღმართეს. სოფელ სამების საჯარო სკოლა იუნკერ მაკარ ბურჭულაძის სახელს ატარებს, 2012 წლის თებერვალში  ჩოხატაურში  მემორიალური დაფა და მისივე სახელობის ქუჩა გაიხსნა. იუნკერი.

წყარო: მედია სიახლე "გურია ნიუსი": gurianews.com; კარგ ქართველთა საფლავები: hi-in.facebook.com